Luuka 5:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ Iꞌdaasenyi saggi Ínam Aadam antohi us harrata ka enenyet uskeel ikakuto ikhabo a abattaan.” Wihi us eti sare hanjaawte iyidah, “Wihi an kisoocheeko, tolosso ilaalaah okkhiche, goob iro!”

Luuka 5:24 ပူးပေါင်းရင်းမြစ်များ

Mattaayo 16:13

Chirri Yeesso ili ilkerengeetti Kaaysareya Fiiliffi yimiy ka, wihi us abattitiis worsate, “ꞌDooꞌd Ínam Aadam a ayyo essa?”

Mattaayo 25:31

“Maanti Ínam Aadam herti Waakh khabaayi miigtiis leesoonokhti, kombortiisti antoote karnatoote koorronta.

Mattaayo 26:64

Yeesso wihi us ilaabe, “Aa! A iꞌdaas maanta at tidah on. Iꞌdaasenyi wihi an atin tuumman atin iadeeh, ꞌdee berri Ínam Aadam usuhi Waakkhi Miig Leh anki dahantiisti miigeet fiddiyo toro mirsohi saraat fuulaayi yamiit a agartaan.”

Mattaayo 28:18

Yeesso la icho iyimiyye wihi us iyidah, “Serey ichoow harra ka anto tuumman a liisiiche.

Mattaayo 4:24

Woriis boroofenhi Siiriya tuumman kataaꞌhe, ꞌdooꞌd la ꞌdooꞌdi tuummane khakkhannane sugeerreti yeerare khabo ichoow ki bolokkhi uskul khabo ichoow ki ginnayyo dakhtaan ichoow ki sungaal khabo ichoow ki maꞌdee ikeene, ulla icho tuumman samaache.

Mattaayo 9:6

Iꞌdaasenyi saggi Ínam Aadam antohi us harrata ka enenyet uskeel ikakuto ikhabo a abattaan.” ꞌDeerka wihi us eti sare hanjaawte iyidah, “Tolosso ilaalaah okkhiche, goob iro!”

Luuka 5:13

Yeesso dahan ooge, et ꞌdaare, wihi us iyidah, “A ꞌdoona, biꞌdir bah!” Chirraas on et buꞌda kabahte.

Luuka 5:18

ꞌDooꞌdoo la etoo sar tuumman hanjaawte ilaal kasoosiꞌde, ichehi min goyaka Yeesso ortiis tassille ꞌdoontaa.

Luuka 5:23

Mehe maanta ki addan kaꞌdabakhe, chirri an, ‘Uskeelaah a liikaakute,’ iadeeh a ommos an, ‘Kahe soho’ iadeeh?

Luuka 7:14

Ulla ꞌdeerka irte, lallaabohi inanki buje lakasiꞌdo ꞌdaare. ꞌDooꞌdi siꞌdo la tolossate. Yeesso la wihi us yidah, “Irka sookahe kidowa!”

Luuka 8:54

Iꞌdaasenyi inám dahan sookhabte, “Inantaay sookah” iyidah.

Yoohana 11:43

Inkoo us waha yidah ka weyti riire, “Laassaro, soobah!” yidah.

Yoohana 17:2

Iꞌdi tahe at usu antohi us ꞌdooꞌdi harra tuumman kaanti a isiisse. Ulla ꞌdee ꞌdooꞌdi at kiis kayeesse tuumman, jiroti jirtuu imassan siicha.

Yoohana 3:13

Ínam Aadamhi goobi Waakh kasookhubte on menye, et addane injire goobi Waakh ikore mele.

Yoohana 5:27

Toro Aabbaheey usu antohi us ꞌdooꞌd kahukkumo laka a siiche, iꞌdi tahe us a Ínam Aadamee.

Hilassi Ergaano 14:10

kariire, “Kahe tolosso,” iyidah. Geeddaas on ka et serey isoonyaame sohannaan sookhabte.

Hilassi Ergaano 5:31

Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

Hilassi Ergaano 9:34

Beetero la wihi us Ayyenneya iyidah, “Ayyenneya, Yeesso Kiriisto a kisamaacha, kahe ilaalaah khaat!” Ulla chirraas on sookahe.

Hilassi Ergaano 9:40

Beetero la icho tuumman khar ibahche, jilbo il kaguꞌdde Waakh wahte. Makhaabassi bujje iurgiye wihi us iyidah, “Tabiita, sookah!” Iche la indo soobakkaahisse, chiꞌiche Beetero agarte ka soorrommatte.

Bakkaahit 1:13

Reemassa dahcho ka, etoo “Ínam Aadam iyooge,” toolla. Eta la kabuuꞌdoo deere ꞌdaꞌddabbe eleelo khaba, kacchiis ka la saabi ꞌdahabe khaba.