Luuka 5:17 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁷ Maantooka Yeesso Yeedi Waakhe ꞌdooꞌd abcha, Farissaayotoo ichoow tagaammeti amurre la intaase fiddiyaan. ꞌDooꞌda la goobassi Gaalilaaya ichoow Yaꞌhuudiya ichoow ilkerengeetti weene Yeerusaleeme kayimaateen. Kamur la Yeesso miigti us ꞌdooꞌdi khakkhannan kasamaacho a siiche.

Luuka 5:17 ပူးပေါင်းရင်းမြစ်များ

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Mattaayo 15:1

Saahka Farissaayotoo ichoow tagaammetoo amurre ilkerengeetti weene Yeerusaleem katimiyye, Yeesso itimiyye wihi iche worsatte,

Marko 1:45

Iꞌdaasenyi etaas irte, enenyet tuumman yeedaas icheeke, woraas taaꞌhiche. Yeesso saahka jeentetaas u chiꞌ laargo ilkerengeet gelin ma yabuuꞌd, iꞌdaasenyi hidaad on fiddiya. Eheetteey laka, enenyet Yeesso ma ꞌdiicho, ꞌdollo tuumman ka a iyamiit on.

Marko 16:18

Toof laka dahan a kakhabta, toro chuꞌus hadaadohi uskul yabhuub laka ma gaameeraan iꞌdaaru laka. ꞌDooꞌdi khakkhannan dahano on korcha, ꞌdooꞌd samaata.”

Marko 3:22

Tagaammeti amurre la ilkerengeetti weene Yeerusaleeme katimiyye, mehe elatta ya, “Beelsebuule dakhta alah! Miigti karnati ginnayyoote enenyet ginna kabahcha.”

Marko 5:30

Chirraas on Yeesso saggi miige sar ikabahte abte, urur goyaka urgiye, “Ayyo gaaddeey ꞌdaare?” worsate.

Marko 7:1

Farissaayotoo ichoow tagaammetoo amurre ilkerengeetti weene Yeerusaleem katimiyye, Yeesso khaarisse.

Luuka 15:2

Iꞌdaasenyi Farissaayo ichoow tagaammeti amurre ba nyunnyuweene wihi icho yidaaheen, “Eta ꞌdooꞌdi uskeel lehe soodowweesta toro leegolossata!”

Luuka 2:46

Ibeenki seyyahnaatteet inkoo icho Yeerusaleem kakaheen ka, Yeessohi uranti minki Waakhe buure ka ꞌdooꞌdi Yeedi Waakh ꞌdooꞌd abcho goycho fiddiyo, wihi icho essaan dagansati toro walah wowworsati ꞌheleen.

Luuka 5:21

Farissaayo ichoow tagaammeti amurre wihi icho uurassicho goyaka esseen, “Eta gafo a ayyo? Ayyo enenyet uskeeliis ikakuta, Waakh on menye?”

Luuka 5:30

Iꞌdaasenyi Farissaayo ichoow tagaammeti amurre iche laka Farissaayee nyunnyuute wihi iche abatti Yeesso itidah, “Atin a iꞌdoh ꞌdooꞌdi kooddi goocho ichoow ki uskeel leh ileegolossattaan?”

Luuka 6:19

ꞌDooꞌd tuumman ebba Yeesso ꞌdaarin ꞌdoona, iꞌdi tahe miige usu kasoobahta icho tuumman samaassa.

Luuka 7:30

Iꞌdaasenyi Farissaayo ichoow tagaammeti amurre jeenteti Yoohana icho ibaattissiyin u, mali Waakh icho ikhabe a ꞌdiiꞌdeen.

Luuka 8:46

Iꞌdaasenyi Yeesso wihi us iyidah, “Etoo a iꞌdaare, saggi miige ani ikabahte a garda.”

Yoohana 3:10

Yeesso la wihi us ilaabe, “At a etoo ꞌdooꞌdi Issiraayel Yeedi Waakh abcho, toro la wahanyeyyoha ma abanna?

Yoohana 3:21

Iꞌdaasenyi eti tuummane wihi rummaat yeelo banay goya soogela, ꞌdee banay la saggi wihi us yeele wihi Waakh ꞌdoono iyahiin tusaan.”

Hilassi Ergaano 19:11

Waakh la Baawulo ka, wihi ittaawenye weeli enenyet yeelin iubaaꞌdane injire liiargin yeele.

Hilassi Ergaano 4:30

Antohi magah Yeessohi falfataahti munyee ka, dahantaah sooge enenyet samaache, wahanyeyyohi miigti Waakh tuso ichoow girmo yeel.”

Hilassi Ergaano 5:34

Iꞌdaasenyi etoo Farissaayeenye Gamaliyeel layadeehe, enenyet tuumman inkaanyito a jira. Usu a tagaanki amurre. Gamaliyeel Jaldaabti Weene Yaꞌhuud goycho ka tolossatte, amur bahche ergaano iꞌdaaru khar a liibahcho.