Luuka 5:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Yeesso ilkerengeettoo kajiraayi, etoo buꞌdatoo uskul sar tuumman kasoofoofte yimiy. Chirri us Yeesso arge ka fool il kakhabte hawwaaste wihi us iyidah, “Kamur, chirri at ꞌdoonto at biꞌdir ibihin a tabuuꞌd.”

Luuka 5:12 ပူးပေါင်းရင်းမြစ်များ

Mattaayo 26:6

Yeesso ilkerengeetti Beꞌdaaniya ka minki etoo Siimonhi Ki Buꞌda Khabe layadeeh kijiraayi,

Mattaayo 9:28

Chirri Yeesso minki us fiddiyo gele ka, reeri kootte lammeenye indo laa laka min leegele. Yeesso chirraakka wihi us worsate, “Atin anihi atin samaacho a rummeysattaan?” Iche la wihi iche ilaabte, “Aa Kamur.”

Marko 5:23

hawwaaste, “Inanteeyti rucchul a omoot. A kihawwaasde, kaale dahan kaꞌdaare, ꞌdee a samaatti jiro a ꞌhesso,” iyidah.

Luuka 17:16

Yeesso hagga ka jilbo il kaguꞌdde kalaꞌd ilaabe. Eta la ili Saamariya kayimiy.

Luuka 5:13

Yeesso dahan ooge, et ꞌdaare, wihi us iyidah, “A ꞌdoona, biꞌdir bah!” Chirraas on et buꞌda kabahte.

Ibiraaniya 7:25

Maantaka usu ꞌdooꞌdi usu leeyamiite Waakh iirti tuum ribin a yabuuꞌd. Iꞌdi tahe usu kol tuummamba a jira, ꞌdee ꞌdooꞌda Waakh a ihawwaasta.