Luuka 4:41 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴¹ Ginnayyo ꞌdooꞌdi ittaawe goya kabaheen ichohi riiro, “Ati Weeli Waakhe” essi. Iꞌdaasenyi Yeesso ginnayyo leejaakhe, amuri icho kaayyeedaan la tirte. Iꞌdi tahe saggi us Ki Lasubhe iyahe a gartaan.

Luuka 4:41 ပူးပေါင်းရင်းမြစ်များ

Mattaayo 26:63

Iꞌdaasenyi Yeesso gammadiche. Kuhaanihi weyti ween la wihi us iyidah, “Magahi Waakkhi jiro ka daato, usu at Ki Lasubhe toro Weeli Waakh tahe, nah isoocheek”

Mattaayo 4:3

Seytaanki ꞌDookkaje layadeeh la iyimiyye, iiyeyye, “Chirri at Weeli Waakh tahe, dagahta leeyeede makaate a titaahe.”

Mattaayo 8:16

Chirri il gelebnowe ka, ꞌdooꞌdi ittaawenye ginnayyo dakhtaan usu liikeene, ulla yeedi afoot on ka ginnayyo kabahche, toro la ꞌdooꞌdi khakkhannan tuumman samaache.

Mattaayo 8:29

Chirraas on riireene, “Weeli Waakh, at mehe nah kaꞌdoonta? Geeddi ibeenki Waakh nah ichiire iitaahan on tamiite bolokh nah tussa?” yidaaheen.

Mattaayo 8:4

Yeesso ꞌdeerka wihi us iyidah, “Etoo kalday laka jit ka aleeyeedine, iꞌdaasenyi kuhaani iiro, saggi at isamaatte istus. Sadakhati amurre Muusa kachiirane eti buꞌda lakabahche bahcho bihiche, ꞌdee garti saggi lakisamaache a titaahe.”

Marko 1:25

Yeesso ginna leejaakhe, “Gammadiche, etaas goya kasoobah!” iyidah.

Marko 1:32

Gelebtaas, inkoo orrahe dihte ka, enenyet ꞌdooꞌdi khakkhannan ichoow ki ginna dakhatti tuumman ba Yeesso ikeene.

Marko 1:34

Yeesso la ꞌdooꞌdi ittaawenye sugeerreti yeerare khabo samaache. ꞌDooꞌdi ittaawenye ginnayyo dakhtaan laka, ginnayyo kabahche. Iꞌdaasenyi ginnayyo amuri icho kasooyeedaan tirte, a mehe eti usu yahe a garteenee.

Marko 3:11

ꞌDooꞌdi ginnayyo dakhtaan chirbaaw ginnayyohaas Yeesso argeen, inkaanyit ka ortiis ka il a guꞌddaane riiraane, “Ati Weeli Waakhe!” yadeehiin.

Luuka 4:39

Ulla kagulguubsate, sarti kululaatti leejaakhe lakabukkhe. Chirraas on sookahte, icho goollin sookhabatte.

Yoohana 20:31

Iꞌdaasenyi waha a lachiire, ꞌdee saggi Yeesso rumanka Ki Lasubhe iyahe, us Weeli Waakh iyahe, rummeysattaan. Kakhuufnaanki atin usu kakhuuftaan ka la jiroti jirtuu imassanne khabtaan.

Yaakoobo 2:19

Saggi Waakkhoo kalday on ijiro a rummeysatta? A haaggantahe! Ginnayyo laka saggi Waakkhoo kalday on ijiro a rummeestaane, roorro ka harmaan.