Luuka 4:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Rumanka maanti eti Waakh íyeyyeedo Eliiya layadeeh jire, muunkhoyyohi ittaawe ili Issiraayel a kijireen. Maanassaas guꞌh seyyah ichoow nyuus tuumman hir ili Issiraayel ma ꞌdeyine, abaarti uskul harra tuumman gesse.

Luuka 4:25 ပူးပေါင်းရင်းမြစ်များ

Mattaayo 20:15

Ma imuꞌdan a chaꞌan chilimmeteey iꞌdi an ꞌdoono adeeh? Ommos jeenteti an uur ꞌdabakh iahe kalꞌdarri ikhabtaan?’

Luuka 10:21

Yeesso chirraakka usuhi Rubeyti Munyee hamaadi buure ka rubeytiis buuhisse, wihi us yidah, “Aabbahaaw, Kamuri serey ichoow harra ba iween, a kikoolicha. Iꞌdi tahe at wahanyeyyoha ꞌdooꞌdi kharayyeenye toro la weyti soome a kadagisse, ꞌdooꞌdi iꞌdi nyaakhutenye wohoo igaran la tusse. Aa! Aabbahaaw, wihi kaahamaadicho gon wahaase.

Rooma 9:15

A mehe Waakh wihi us Muusa iyidah, “Ani on eti an uur inugleesdi uur inugleesda, toro la ani on eti an isoonaho isoonaha.”

Rooma 9:20

Etaaw, atiha Waakh yeed ilaabto, at ayyo iskoogtahe? ꞌDirihi doobbo eti yeele, “At a iꞌdoh sagga ikayeesse?” ma worsati gon.

Efeesso 1:11

Waakh Kiriisto ka a inno soobahsate. Waha la a wihi us maliis ka goorat gooste on. Toro la walah tuumman saggi icho isooyateehiine igoocha,

Efeesso 1:9

Waakh la maliiski goorat dagsane inno isoobabbakkaahiche. Waha a wihi hamaadiis ka, us Kiriisto ka gooche.

Yaakoobo 5:17

Eliiya weeli enenyete iꞌdeene on eheete, weyti Waakh wahte, hiri ilaas iꞌdeyin daahe, guꞌh seyyah ichoow nyuus la hir ꞌdeye mele.

Bakkaahit 11:6

ꞌDooꞌda la miigti icho geedda icho Waakh iyeyyeedaan sereyta daayan kahidaane ꞌdee hir iꞌdeyin a khabaan. Icho la toro miigti icho bicche diig kayeelaan a khabaane, miigti icho ꞌdooꞌdi harra sinayyohi yeerare ikeenaan la a khabaan. Waha la maanti icho ꞌdoonaan tuumman a yeelaan.