Luuka 4:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ Yeesso la wihi us ꞌdooꞌd ilaabe, “Rumanka mammahta a isoocheektaan, ‘Ilkitarri issamaay! Wihi weeli enenyet yeelin iubaaꞌdane nah daagne at ilkerengeetti Kafarnaaꞌhum ka yeesse, ilkerengeettiin ka yeel.’ ”

Luuka 4:23 ပူးပေါင်းရင်းမြစ်များ

Mattaayo 13:54

Chirra us ilkerengeetti goobicheenye Naasaret yimiy ka, minki weysiite Yaꞌhuud ka enenyet Yeedi Waakh abin sookhabte, icho la girmeesteene, “Us eta kharata ichoow miigta us waha weeli enenyet yeelin iubaaꞌdan kayeelo intoh kaꞌhele?” worsateen.

Mattaayo 4:13

Ilkerengeetti Naasaret katabe, ilkerengeetti Kafarnaaꞌhume beyti Gaalilaaya aficheenye ili yaaf Seebulon ichoow Naaftalee irte furte.

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Marko 6:1

Yeesso intaas katabe, ilkerengeetti goobicheenye Naasaret layadeeh irte, abattitiis khabaayi.

Luuka 2:39

Chirri Yuussuf ichoow Maariya ba wihi Amurreti Kamur ꞌdoonto massicheen ka, goobichoki Naasarete boroofenhi Gaalilaaya kajiro inokhteen.

Luuka 2:51

Yeesso ꞌdeerka aabbahiis ichoow abartiis raahe ilkerengeetti Naasaret ikhubteene, wihi icho iyidaaheen la weyti raahe. Iꞌdaasenyi abartiis wihi us essi tuumman uur on ilaabatte.

Luuka 4:16

Yeesso ilkerengeetti Naasarete lakasooweynaache inokhte. Seeri Lanaso ka iꞌdi orrangateet u minki weysiite Yaꞌhuud irte. Ulla tolossate Yeedi Waakhe ꞌdooꞌd isoomaa.

Luuka 4:31

Yeesso ꞌdeerka ilkerengeetti Kafarnaaꞌhume boroofenhi Gaalilaaya kajirto ikhubte, Seeri Lanaso ka enenyet Yeedi Waakh abin sookhabte.

Luuka 4:35

Yeesso ginna leejaakhe, “Gammadiche etaas goya kasoobah!” iyidah. Ginna ꞌdeerka ꞌdooꞌd tuumman ortiis ka et lagaꞌdde, iꞌd addane iche tidah mele, et kasoobahte.

Luuka 6:42

At saggoh walaalaah, ‘Walaalaaw, alley uruftaas il kaajirto a kaabahcho,’ ikatadeeh ati rubeytaah la gurtunki issaah goya kijiro ma agarto? Iskaayyeessooy koloo gurtunki issaah goya kajiro bihiche, ꞌdee urufti il walaalaah goya kajirto mujjum agare, bihi.

Yoohana 4:28

Makhaabale ꞌdirihicheki biccheet katabte, ilkerengeet inokhatte, wihi iche ꞌdooꞌd itidah,

2 Koriinto 5:16

ꞌDeerka uus toolla kakhabatti iꞌdi ꞌdooꞌdi harratuu, enenyet saggi inno iagarro ma ikhaanno. Chiꞌinno goorat Kiriisto iꞌdoo us weeli enenyet yahuu iꞌdaas yeelle laka, kola iꞌdaas ma yeello.