Luuka 4:21 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²¹ Yeesso la wihi us ꞌdooꞌd iyidah, “Chiirnaanneta Waakhe toolla an soome atin daagteen maalinka a labuuhiche.”

Luuka 4:21 ပူးပေါင်းရင်းမြစ်များ

Mattaayo 13:14

Wori eti Waákh íyeyyeedo Isaaya layadeeh cheeke icho ka a labuuhiche. “‘Atin walah a dagansattaane, dagansattaane, iꞌdaasenyi jirtuu ma abattaan. Walah a yeytaane, yeytaane, iꞌdaasenyi jirtuu ma atin gelaan.

Luuka 4:20

Yeesso ꞌdeerka inkoo us waha soome ka, khadaab yuube, ilbooyi minki weysiit idiibe, orronte. ꞌDooꞌdi minki weysiit goya kajire tuumman la Yeesso indo katoolliche.

Luuka 4:22

ꞌDooꞌd tuumman haaggiis kaayyeede toro yeeda haaggane afiis kasoobahe kagirmeeste, wihi icho isworsateen, “Waha inam Yuussuf menya?”

Yoohana 5:39

Atin Chiirnaanneti Waakh a kamalattaan, kol atin jiroti jirtuu imassan kaꞌhessaane koogtahiinee. Chiirnaannetaas Waakh laka, woraaya kaayyeeda.

Hilassi Ergaano 3:18

Iꞌdaasenyi Waakh saggane wihi us ꞌdooꞌdi Waákh íyeyyeedo tuumman orey cheeke ka ibuuhiche. Wihi icho orey cheekeen la a Lasubhehiiski sina lakawaaricho.