Luuka 4:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Yeesso ꞌdeerka inkoo us waha soome ka, khadaab yuube, ilbooyi minki weysiit idiibe, orronte. ꞌDooꞌdi minki weysiit goya kajire tuumman la Yeesso indo katoolliche.

Luuka 4:20 ပူးပေါင်းရင်းမြစ်များ

Mattaayo 26:55

Yeesso chirraakka wihi us urur iyidah, “Chaꞌatin khokkhoomme ichoow birlabbe leetimaateene ikhabattaan, an a etoo enenyet walah saro? Maan tuumman ani uranti minki Waakhe buure a fiddiye Yeedi Waakh atin abche, atin la ma ikhaban.

Mattaayo 27:60

Goꞌddoo daddaabeete husube us isikhute goya kareeche. Daddaabtoo buure la goꞌd afiche iꞌdembeleeliye, katabe.

Luuka 19:48

Iꞌdaasenyi sag icho iyagiisin mele. Iꞌdi tahe ꞌdooꞌd tuumman weyti yeed Yeesso nabah isude. Et usuhi aytoo kaldaye Yeesso yidah laka kanyaanto ꞌdoono mele.

Luuka 4:17

Khadaaboo yuubane etoo Waákh íyeyyeedo Isaaya layadeeh chiire liidiibe. Ulla khadaab furfure, inti waha kachiiranyahiin ꞌhele.

Luuka 4:21

Yeesso la wihi us ꞌdooꞌd iyidah, “Chiirnaanneta Waakhe toolla an soome atin daagteen maalinka a labuuhiche.”

Luuka 5:3

Yeesso koobanhoo kore. Koobanha la eti leh a etoo Siimon layadeeh. Yeesso la leeyeede ꞌdee kooban a leetakho bey afiche iꞌdaaru a kaseehicho. Yeesso ꞌdeerka kooban goya orronte, Yeedi Waakh ꞌdooꞌd abche.

Yoohana 8:2

Ibeenki kaas sooraaho baryo ka, toro Yeesso minki Waakhe buure isoonokhte. ꞌDooꞌd tuumman la kasoourure, ulla orronte, ꞌdooꞌd walah abche.

Hilassi Ergaano 16:13

Seeri Lanaso ka aritti ilkerengeeteet kabahne, hawti ꞌdusso iranne. Kol nah intaas ka meessi Yaꞌhuud kaweesti ꞌhello koognahe. Orrommanne, oboorrihi intaas ka urure leeyyeene.

Hilassi Ergaano 3:12

Beetero chirri us waha arge ka wihi us ꞌdooꞌd iyidah, “Mejeli Issiraayeloow a iꞌdoh waha ikagirmeysattaan? A iꞌdoh iꞌduu nah iyeytaan? Kol nah miigteenyo on ka ommos nah weyti Waakh kahamaadinno eta samaanne akoogeynana.