Luuka 4:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ “Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Luuka 4:18 ပူးပေါင်းရင်းမြစ်များ

Mattaayo 11:5

ꞌDooꞌdi indo laa kola indo a bahcha, ki luhlo ikhabin luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume la omoot a lakasookahcha. ꞌDooꞌdi wahanyeyyohi Waakh miinsan ka miskiine la Wori Haaggan a liicheeka.

Mattaayo 12:18

“Falfateeyti an soobahsade talla. A eti an weyti ꞌdoono, toro la an kahamaado. Anihi Waakhe la Rubeyti Munyee rubeytiis goya a buuhicha, ulla saggi us yaafo jiti fissan ka ihukkumo icheeka.

Mattaayo 12:20

Us koloo kalday laka balakki khollokhte ma jebcho, toro la ꞌdabi taahi uum bahcho ma jiccho. Iꞌdaas ka eti ꞌdabakhenye ꞌdaran jiti samacchaarenye kawoya, ma ꞌdiicho ichoowka ebba saggi jiti fissan ka liihukkumo iyeela.

Mattaayo 4:16

Atinhi mugꞌdihi uskeel goya fiddiiteen, banayhi Waakhe buure a agarteen. ꞌDooꞌdi ili oosinti omooteet fiddiye, banay a isookoreen.

Mattaayo 5:3

“ꞌDooꞌdi Waakh imaalo a ki wahanyeyyohi Waakh ka miskiine, a mehe dakhi goobi Waakh a kichooda.

Luuka 4:17

Khadaaboo yuubane etoo Waákh íyeyyeedo Isaaya layadeeh chiire liidiibe. Ulla khadaab furfure, inti waha kachiiranyahiin ꞌhele.

Luuka 6:20

Yeesso la abattitiis yeye, wihi us yidah, “ꞌDooꞌdi Waakh imaalo, a atinhi toolla miskiine, a mehe dakhi Waakh a kiinna.

Luuka 7:22

ꞌDeerka wihi us reeri lasooergate ilaabe, “Nyaama nokhda, Yoohana waha atin agarteen ichoow waha atin daagteen icheeka. ꞌDooꞌdi indo laa indo a bahcha, ki goorat luhlo ikhabin la luhlo a bahcha. ꞌDooꞌdi buꞌdayyo sar kakhabe a lasamaacha, ki dogo laa la dogo a bahcha. ꞌDooꞌdi tuume omoot a lakasookahcha, ꞌdooꞌdi wahanyeyyohi Waakh miinsan ka miskiine la Wori Haaggan a liicheeka.

Yoohana 1:41

Wihi kolooraate Andereeya yeele, Siimonhi walaaliisenye yowte, “Ki Lasubhe a ꞌhelle,” iyidah. Ulla a Kiriistohi lasugo.

Yoohana 12:46

An iꞌdi banayhi harratane iimiyye, ꞌdee et ani irummeesti mugꞌdi goya fiddiyo mele.

Yoohana 3:34

A mehe eti Waakh sooerge farniinki Waakhe kaayyeeda. Iꞌdi tahe Waakh etaas Rubeytiisti Munyee iche buuh ka rubeytiis goya gessa.

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

Hilassi Ergaano 4:26

Karnatohi harra tuumman ꞌduul a sookahcheen, weynaane la a tossatte, Waakkhi Kamure ichoow Lasubhehiis ꞌdiiꞌdeen.’

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.

Kolossaay 1:13

Iꞌdi tahe us miigti mugꞌdi a inno kasoofure, dakhi weeliiski us ꞌdoono goya inno keene.

Yaakoobo 2:5

ꞌDooꞌd Kiriistokaaw, waha daaga bal, Waakh ꞌdooꞌdi harrata ka miskiin liiekkaacho ma soobahsanne, ꞌdee kakhuufnaanki icho Yeesso kakhuufaan ka Waakh icho kamurre ma iekkaanna? Toro la Waakh ꞌdooꞌda ma soobahsanne ꞌdee dakhi Waakhe Waakh ꞌdooꞌdi usu ꞌdoono iayyiche ma muꞌdan a?

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.