Luuka 4:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Yeesso usuhi Rubeyti Munyee buuhisse hawti Yoordane ꞌdusso kasoonokhte, Rubeyti Munyee la woyte hidaad geesse.

Luuka 4:1 ပူးပေါင်းရင်းမြစ်များ

Mattaayo 3:16

Yeesso uus labaattissiye, chirraas on bicche goya kasoobahe. Chirraas on sereye bakkaahte, ulla Rubeyti Waakhe iꞌdi kutukuurrug u sooyegto sartiis koorrommatti arge.

Luuka 2:27

Siimiyon Rubeyti Munyee soowoyte uranti minki Waakhe buure gele. Chirri Yuussuf ichoow Maariya ba Yeesso minki Waakhe buure goya leesoogeleene icho wihi Amurre ꞌdoonto yeelaan ka,

Luuka 3:3

Yoohana la hawti ꞌdusso Yoordan tuumman kaassohte. Ayti Waakhe us cheeke la a ki ꞌdooꞌd uskeelicho kasoonokhti, ulla baattissiyo, ꞌdee Waakh uskeelicho ikakuto.

Luuka 3:38

Eenoch la a ínam Seeꞌd, Seeꞌd la a ínam Aadam, Aadam la ooyohiis Waakhe eheet.

Luuka 4:14

Yeesso miigti Rubeyti Munyee siisse khabaayi, boroofenhi Gaalilaaya inokhte. Wor Yeesso la harrataas tuumman kataaꞌhe.

Luuka 4:18

“Rubeyti Kamur a ileejirta, iꞌdi tahe usu a isubhe ꞌdee Wori Haaggan miskiino icheeka. Kamur a isooergate, ꞌdee ꞌdooꞌdi uskeel hide saggi Kamur isoofuro icheeka, ꞌdooꞌdi indo laa la Kamur indo a fura, ꞌdooꞌdi sina lakawaaricho la Kamur sina a kabahcha.

Yoohana 1:32

Yoohana ꞌdeerka runta cheeke, wihi us yidah, “An Rubeyti Munyeenye iꞌdi kutukuurrug u, goobi Waakh katimiyye usu kafiddiite a arge.

Yoohana 3:34

A mehe eti Waakh sooerge farniinki Waakhe kaayyeeda. Iꞌdi tahe Waakh etaas Rubeytiisti Munyee iche buuh ka rubeytiis goya gessa.

Hilassi Ergaano 1:2

ichoowka ibeenki goobi Waakh lageeche, iche kisoochiire. Geeddi serey liigeen, Rubeyti Munyee ka ꞌdooꞌdi us soobahsate us ergaanotiis kayeesse, amurre ibahche.

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Hilassi Ergaano 8:39

Chirri icho bicche kasookoreen ka Rubeyti Kamur Fiilif chirraas on khaatte, eti sangꞌee la toro Fiilif ma argine, iꞌdaasenyi usu hamaad ka jitiis tabe.