Luuka 3:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Rubeyti Munyee la iꞌdi kutukuurrug u serey ka isooyagte. Hooyoo la serey kasooyeede wihi us yidah, “Ati a Weeleeyki an weyti ꞌdoono, weyti ikahamaadicho.”

Luuka 3:22 ပူးပေါင်းရင်းမြစ်များ

Mattaayo 12:18

“Falfateeyti an soobahsade talla. A eti an weyti ꞌdoono, toro la an kahamaado. Anihi Waakhe la Rubeyti Munyee rubeytiis goya a buuhicha, ulla saggi us yaafo jiti fissan ka ihukkumo icheeka.

Mattaayo 17:5

Yeyyeedaayi, mirisoo dakhane torrogoot icho ankube, hooyoo la miris goyaka sooyeede, “Waha a Weeleeyki an weyti ꞌdoono, an weyti kahamaado. Usu nabah isuda!” yidah.

Mattaayo 27:43

“Usu Waakhe kakhuufa, ‘Aní Weeli Waakhe,’ iche essa menya? ꞌDiicha giꞌde Waakh usu a ribo chiꞌ Waakh usu ꞌdoono,” yidaaheen.

Mattaayo 3:13

Saahka Yeesso boroofenhi Gaalilaaya kayimiyye, hawti Yoordane ꞌdusso ka Yoohana iyimiy, ꞌdee Yoohana usu baattissiya.

Mattaayo 3:16

Yeesso uus labaattissiye, chirraas on bicche goya kasoobahe. Chirraas on sereye bakkaahte, ulla Rubeyti Waakhe iꞌdi kutukuurrug u sooyegto sartiis koorrommatti arge.

Mattaayo 3:17

Hooyoo la serey kasooyeede, wihi us yidah, “Waha a Weeleeyki an weyti ꞌdoono, weyti ikahamaadicho.”

Marko 1:11

Hooyoo serey kasooyeede, wihi us yidah, “Ati a Weeleeyki an weyti ꞌdoono, weyti ikahamaadicho.”

Marko 1:9

Saahka Yeesso ilkerengeetti Naasaret layadeehe, boroofenhi Gaalilaaya kijirto kayimiyye, Yoohana la hawti Yoordane ꞌdusso ka usu baattissiye.

Marko 9:7

Mirisoo soobahe icho tuumman ankube. Hooyoo la mirisaas goyaka sooyeede, “Waha a Weeleeyki an weyti ꞌdoono. Usu nabah isuda!” yidah.

Luuka 2:14

“Waakkhi saraat a lasaaꞌdo. ꞌDooꞌdi harrata ka Waakh kahamaado la nebey a lakakaalo!”

Luuka 4:21

Yeesso la wihi us ꞌdooꞌd iyidah, “Chiirnaanneta Waakhe toolla an soome atin daagteen maalinka a labuuhiche.”

Yoohana 1:32

Yoohana ꞌdeerka runta cheeke, wihi us yidah, “An Rubeyti Munyeenye iꞌdi kutukuurrug u, goobi Waakh katimiyye usu kafiddiite a arge.

Yoohana 12:28

Aabba, magahaah weynaay!” Hooyoo ꞌdeerka serey ka sooyeede, mehe yidah ya, “Magaheey a weynaache, toro la a inokhda weynaacha.”

Yoohana 5:37

Aabbaheeyki ani isooerge laka, wihi tuummane ani imiinsan a cheeke. Atin injire hooyiis ma daagine, ommolla injire fooliis ma argine,

Hilassi Ergaano 10:38

Saggi Waakh Yeessohi Naasaret Rubeyti Munyee ichoow miig isiiche a garattaan. Jeenteti Waakh ileejiruu us meel tuummane irte, wihi haaggan yeele, ꞌdooꞌdi Seytaan sina kawaaricho samaache.

Kolossaay 1:13

Iꞌdi tahe us miigti mugꞌdi a inno kasoofure, dakhi weeliiski us ꞌdoono goya inno keene.

1 Beetero 2:4

Kamuri iꞌdi daakki jireenye ꞌdooꞌd ꞌdiiꞌde, iꞌdaasenyi Waakkhi soobahsate ka weyti khumman iamiita.