Luuka 23:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ ꞌHerood la chirri us Yeesso arge ka hamaade, iꞌdi tahe geeddi deere yeed Yeesso daage, ulla geeddi deere usuhi Yeesso argo ꞌdoone. Ulla Yeessohi wihi weeli enenyet yeelin iubaaꞌdan yeelo khajjeela.

Luuka 23:8 ပူးပေါင်းရင်းမြစ်များ

Mattaayo 14:1

Saahka ꞌHeroodhi boroofenhi Gaalilaaya iween wihi Yeesso yeelo daage.

Marko 6:14

Karnati ꞌHerood layadeeh la waha tuumman daage, a mehe magah Yeesso weyti ballaaste. Enenyet gaasoo mehe essa ya, “Yoohanahi Enenyet Baattissiyo iche omoot lakasookahche! Miigta iꞌdeenye goytiis ka hil haaggisso, wihi enenyet iubaaꞌdan us yabuuꞌd, a jeentetaas on.”

Marko 8:34

Yomboka urur ichoow abattitiis wahe wihi us iyidah, “Chiꞌ etoo isooraahin ꞌdoono, awtiis a ꞌdiiꞌdo toro la massalaabatiis barbar a sookorsati a isooraaho.

Luuka 4:23

Yeesso la wihi us ꞌdooꞌd ilaabe, “Rumanka mammahta a isoocheektaan, ‘Ilkitarri issamaay! Wihi weeli enenyet yeelin iubaaꞌdane nah daagne at ilkerengeetti Kafarnaaꞌhum ka yeesse, ilkerengeettiin ka yeel.’ ”

Hilassi Ergaano 8:19

toro “Ani laka miigtaas isiicha, ꞌdee eti an dahan korcho tuumman Rubeyti Munyee a ꞌhelo,” iyidah.