Luuka 23:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Chirraas on usu cheekteene wihi icho yidaaheen, “Eta usuhi yaafteen baabiicho khabanne. Karnati ili Rooma kooddihi liiguto ꞌdiiꞌda, Ki Lasubhe karnatenye iskawaha.”

Luuka 23:2 ပူးပေါင်းရင်းမြစ်များ

Mattaayo 17:27

Iꞌdaasenyi uus inno kakhuufnaanki icho Waakh kakhuufaan tirine, nyaam beyti Gaalilaaya iro, oroohti bahag lakakhabti bey goya isey. Bahaggi oraate at sookhabatte, chaꞌat af bakkaahisse chilim a agarta, chilinkaas khaate ꞌdooꞌdi kooddi goocho igeeche, kooddiheey ichoow kaah ba kagut.”

Mattaayo 22:21

Wihi icho ilaabeen, “A koo Kaaysar.” ꞌDeerka wihi us iyidah, “Kaaysar wihi wihiise iguta, Waakh la wihi wihiise iguta.”

Mattaayo 27:11

Yeesso geeddaas ba Bilaatohi gaafanee ortiis tolossate, gaafana la wihi us worsate, “Karnati Yaꞌhuud a ati?” Yeesso wihi us ilaabe, “A rum, a iꞌdaas at elatti on.”

Marko 12:17

Yeesso chirraakka iiyeyye, “Kaaysar, wihi wihiise iguta, Waakh la wihi wihiise iguta.” ꞌDooꞌd usu weyti kagirmeeste.

Marko 15:2

Bilaato wihi us worsate, “Karnati Yaꞌhuud a ati?” Yeesso wihi us ilaabe, “A rum, a iꞌdaas at elatti on.”

Luuka 23:14

wihi us iyidah, “Atin eta ani ikeenteene, ꞌdooꞌde baabiicha sirgaal ꞌdiiꞌda idowa tidaaheen. Ani la ortiin ka wihi nool worsade wohoo kaldaye atin kacheekatteen la an ma kaargin.

Luuka 23:5

Iꞌdaasenyi weyti tirriinsateene wihi icho yidaaheen, “Ili Yaꞌhuudiya tuumman ka ꞌdooꞌde walah abcha, ichoowka enenyet seley fida. Wihi us ꞌdooꞌd abcho la boroofenhi Gaalilaaya kasookhabte ichoowka toolla inta yimiy.”

Yoohana 18:29

Bilaato ꞌdeerka khar ka isoobahe, “Eta mehe kacheekattaan?” worsate.

Yoohana 18:30

Icho la wihi icho soolaabeen, “Chirri kootte us wohoo suuje iyeelin nah usu inta ma keenno.”

Yoohana 19:12

Chirri Bilaato waha daage ka, jiti us Yeesso kafuro yowte. Iꞌdaasenyi weynaanti Yaꞌhuud riirte wihi iche tidah, “Chirri at eta soofurte, at aali karnati ili Rooma mee! Eti tuummane karnat iskawaho karnati ili Rooma tirrima.”

Hilassi Ergaano 24:13

Wihi toolla icho ortaah ka ikacheektaan laka runticho tusin ma yabuuꞌdiin.

Hilassi Ergaano 24:5

“Eta wihi nah kaagarre, a etoo weyti sina keeno. Harra tuumman ka etane ꞌdooꞌdi Yaꞌhuud goyaka ururi il baabulo sootukkicha. Rabitti suujenye eti Naasaret raahto laka usu matakkichee.

Rooma 13:7

Taba giꞌde, ebba wihi miinsan siicha. Taba eti kooddi goocho kooddi iguta, eti chilim liiguto la chilim iguta. Eti inkaanyit imale inkaanyita, eti roorro imasse la karoora.