Luuka 22:61 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁶¹ Kamur la urgiye Beetero indo kakhabte. Beetero ꞌdeerka yeedi Kamur iyidah kasooꞌhele, “Maalinka geeddi lukki iriirin, at kol seyyah, ‘Ma kigardi!’ tadeeh.”

Luuka 22:61 ပူးပေါင်းရင်းမြစ်များ

Mattaayo 26:34

Yeesso wihi us ilaabe, “Rume kisoocheeka, ibeenka goya rubeytiis, geeddi lukki iriirin at kol seyyahe ma igaratti tadeeh.”

Mattaayo 26:75

ꞌDeerka Beetero yeedi Yeesso iyidah kasooꞌhele. “Geeddi lukki iriirin, at kol seyyah, ‘Ma kigardi!’ tadeeh.” Ulla khar ibahe, bolokh ka ooye.

Marko 5:30

Chirraas on Yeesso saggi miige sar ikabahte abte, urur goyaka urgiye, “Ayyo gaaddeey ꞌdaare?” worsate.

Luuka 10:41

Kamur wihi us ilaabe, “Maarta, Maarta! At waꞌdwaaꞌdi holi at dowto matah kiyaham.

Luuka 22:34

Yeesso wihi us ilaabe, “Beetero wihi an kisoocheeko, ibeenka goya geeddi lukki iriirin, at kol seyyahe ꞌdiiꞌdda, ma igaratti tadeeh.”

Luuka 22:60

Beetero wihi us ilaabe, “Eta, an wihi at kaayyeeddo ma gardi!” Beetero yeyyeedaayi lukki riire.

Luuka 22:62

Ulla khar ibahe, bolokh ka ooye.

Luuka 7:13

Kamur chuꞌus makhaabál arge ka, uur isoonugleeste wihi us iyidah, “Ooyine chubbah!”

Luuka 7:19

Kamur iergate wihi us worsate, “At a Ki Lasubhe lasugo, bal etoo addane sugna?”

Yoohana 13:38

Yeesso wihi us ilaabe, “At rumanka jeenteteey u jirotaah a soobihissa? Rume kisoocheeka, geeddi lukki iriirin, at kol seyyahe ma igaratti tadeeh.”

Hilassi Ergaano 5:31

Waakh anki dahantiisti miigeet ka weynaache, Karnat ichoow ꞌDoorribe kayeele, ꞌdee yaafohi Yaꞌhuud uskeelicho kasoonokhtaane, Waakh la uskeelicho ikakuta.

Efeesso 2:11

Maantaka, atinhi yaafohi Yaꞌhuud ieheynan kadelatteen, bal wihi goorat atin ꞌhor eheet kasooꞌhela. Yaafohi Yaꞌhuud mehe atin yadeehiin ya, “ꞌDooꞌdi ikhandiineynan.” Icho la mehe isyadeehiin ya, “ꞌDooꞌdi khandiyan.” Iꞌdaasenyi, khandihaas a wihi enenyet on sar lagoggoocho, dahanti weeli enenyet on yeesso.

Bakkaahit 2:5

Geeddi atin sookufteen kasooꞌhela! Uskeeliin kasoonokhda, wihi atin uumaccho ka yeesseen yeela. Chaꞌatin uskeeliin ikasoonokhan, an a atin iamiite, reenkiinki taa lakorcho meessiis kabahcha.