Luuka 22:52 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵² Yeesso kuhaaniyyohi wewween ichoow ꞌdooꞌdi ꞌdooꞌdi minki Waakhe buure yaakhicho itoollo ichoow ewweenki Yaꞌhuude usu iyimiy wihi us iyidah, “Chaꞌatin khokkhoomme ichoow birlabbe leetimaateene, ikhabattaan, an a etoo enenyet walah saro?

Luuka 22:52 ပူးပေါင်းရင်းမြစ်များ

Mattaayo 26:47

Yeesso yeyyeedaayi, Yuudahi ullaka abattiti tomon ichoow lammee kichekoowe yimiy. ꞌDooꞌdi sooraahe, a ururoo buurenye birlabbe ichoow khokkhoomme khabo, kuhaaniyyohi wewween ichoow ewweenki Yaꞌhuud sooergate.

Mattaayo 26:55

Yeesso chirraakka wihi us urur iyidah, “Chaꞌatin khokkhoomme ichoow birlabbe leetimaateene ikhabattaan, an a etoo enenyet walah saro? Maan tuumman ani uranti minki Waakhe buure a fiddiye Yeedi Waakh atin abche, atin la ma ikhaban.

Luuka 22:37

A mehe wihi chiiran, ‘Usu ꞌdooꞌdi Waakh daagiwwaaye goya lagate.’ Wihi an atin iadeeh la, waha ani liikabuuhicha. Aa, wihi ani imiinsane chiiran inti lakabuuhicho a eleelaan.”

Luuka 22:4

Yuuda la kuhaaniyyohi wewween ichoow ꞌdooꞌdi iskarti minki Waakhe buure yaakhisso itoollo iirte, saggi us Yeesso ꞌdub igoocho kaleehawwooche.

Luuka 22:51

Iꞌdaasenyi Yeesso wihi us ilaabe, “ꞌDii a geeddaas one.” Yeesso la et nabah ꞌdaare, samaache.

Luuka 22:53

Maan tuumman ani uranti minki Waakhe buure ka a atin leejire, atin la ma ikhaban. Iꞌdaasenyi waha a sahaꞌddiinna, a sahaꞌddi Seytaanki karnati mugꞌdee atin anti.”

Yoohana 17:12

Geeddi goorat an icho leejire, magahaas at isiisse ka, a toorribe bariisde. Ki goorat baabaa liigooche on menye, kichekoo kalday laka ma baabiin, ꞌdee wihi Chiirnaanneti Waakh ka lachiire labuuhicha.

Hilassi Ergaano 5:26

Eti iskarti minki Waakhe buure yaakhisso iween, iskartoo khabaayi bahe ergaano toro sookhabte. Iskartaas la ergaano ma tottoganne, afi haaggan on ka soobihisse. Wihi iche karoorte la a ꞌdooꞌdi ꞌdee dagah kachibo yagiis.