Luuka 22:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Iꞌdaasenyi atin iꞌdaas iitaahana. Eti goytiin ka weyti ween, iꞌdi eti weyti rucchul a yitaahe, eti enenyet dakhti la iꞌdi falfa a yitaahe.

Luuka 22:26 ပူးပေါင်းရင်းမြစ်များ

Mattaayo 20:26

Atin ka iꞌdaas mee. Eti tuummane goytiin ka weynaan ꞌdoono, falfatiin a yitaahe.

Marko 10:43

Atin ka iꞌdaas mee. Eti tuummane goytiin ka weynaan ꞌdoono, falfatiin a yitaahe.

Marko 9:35

Yeesso orronte, abattiisti tomon ichoow lammee isiwahe wihi us iyidah, “Chiꞌ etiinkoo orey ꞌdoono, eti weyti ꞌduboot a yitaahe, falfati enenyet tuumman a yitaahe.”

Luuka 9:48

Wihi us icho iyidah, “Eti tuummane jeenteti us abattiteey iyahuu weela rucchul martiisti, ani imartiista. Eti tuummane ani imartiisti la eti isooergate martiista. A mehe eti goytiin ka weyti rucchul usu weyti ween.”

Rooma 12:2

Taba giꞌde, jiroti ꞌdooꞌdi wahanyeyyohi harratane sussuuje raaho ajirina. Rubeyti Waakh mali atin malattaan tuum a husubnaasso. Iꞌdaas ka wihi Waakh atin igooche a fiirissaane toro khaatattaan. Waha la a wihi haaggan ichoow wihi Waakh kahamaado toro la a tuum.

1 Beetero 5:3

ꞌDooꞌdi dahantiin lagesse iꞌdi kamuri suuje u akaarriirina, iꞌdaasenyi ꞌdooꞌdi woyha iyookkoti haaggan iateeha.

1 Beetero 5:5

Saggaasu la atinhi nunnugul taba ayti ewween atin idowo akutina. Atin tuumman la tuum isnuglaacha a mehe, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”