Luuka 22:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Kuhaaniyyohi wewween ichoow tagaammeti amurre jitoo iche Yeesso katagiise yowatta, a mehe enenyete karooraan.

Luuka 22:2 ပူးပေါင်းရင်းမြစ်များ

Mattaayo 12:14

Iꞌdaasenyi Farissaayo bahte, tossatte, jiti icho Yeesso kayagiisiin kamasseen.

Mattaayo 21:38

“Iꞌdaasenyi ꞌdooꞌdi gos kireeste uus icho ínam argeen, mehe isiyidaaheen ya, ‘Ki dahal leh kalla. Kaaleya a nigaase, ꞌdee dahalhiis a khaatanni.’

Mattaayo 26:2

“Saggi atin igarattaan u, ibeen lamma on ankhane ꞌdee daawti Baasakka lagela, Ínam Aadam la ladiiba massalaaba lakakaaha.”

Marko 14:1

Ibeen lamma ankhane ꞌdee daawti Baasakka ichoow Daawti Makaateti Liikhasin lagela. Kuhaaniyyohi wewween ichoow tagaammeti amurre la ekkeysi ka saggi iche Yeesso ikhabatti ꞌdee itagiise yowatta.

Luuka 20:19

Tagaammeti amurre ichoow kuhaaniyyohi wewween la jiti iche Yeesso chirraas on kakhabatti yowteen. A mehe saggi us mammahtaas ka woricho ikaayyeedo iche garteen. Iꞌdaasenyi ꞌdooꞌde karooraan.

Yoohana 11:57

Iꞌdaasenyi kuhaaniyyohi wewween ichoow Farissaayo amur bahcheene, chiꞌ etoo inti Yeesso kajiro garti, a soocheeko, ꞌdee a khabteen.

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.