Luuka 22:19 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁹ Makaate khaate Waakh kalaꞌd ilaabe, jejjebche abatti ididdiibe wihi us yidah, “Waha a sarteeyti atin liisoobahche, amha ꞌdee ikasooꞌhela.”

Luuka 22:19 ပူးပေါင်းရင်းမြစ်များ

Mattaayo 14:19

Ulla urur amur ibahche hoos koorromiche. Makaateyyohi chane ichoow bahaggi lammee khaate, serey yeye, Waakh kalaꞌd ilaabe, makaateyyo jejjebche. ꞌDeerka abatti idiibe, abatti la enenyet siisse.

Mattaayo 15:36

ꞌDeerka makaateyyohi teebee ichoow bahag khaate, Waakh kalaꞌd ilaabe, jejjebche, abattitiis ididdiibe, abatti la baꞌh gisse.

Luuka 22:17

Chirraakka kokkooboo farsoti sabiib kajirto okkhiche Waakh kalaꞌd ilaabe wihi us abatti iyidah, “Waha khaata ebba a anguunti.

Luuka 22:20

Saggaas on u, inkoo icho gololi gelebeet yumheen ka, kokkoob khaate wihi us yidah, “Kooba a ayyinti husube Waakh enenyet diiggeey ka igoocho, a diiggi iroonotiin liikhubo.

Luuka 24:30

Chirra us komborti ballaaddane lakagolossati ka meessiis koorronte ka, makaate khaate Waakh kalaꞌd ilaabe, jejjebche, icho gisin sookhabte.

Yoohana 6:23

Koobanohoo anki ilkerengeetti Tibeeriya kayimiy la yimaateene, inti chele inkoo Kamur Waakh kalaꞌd ilaabe urur fiddiye makaate kayuhum yimaateen.

Yoohana 6:51

Ani a gololi rummaate jiro lakeelo goobi Waakh kayamiit. Eti tuummane golola yuhum, jirtuu tuumman a jira. Gololi an eta siicho a sarteeyti an soobahcho, ꞌdee ꞌdooꞌdi harrata jiro kaꞌhelo.”

1 Koriinto 10:16

Chirri inno gololi Kamur ka Waakh koob ka kalaꞌd ilaabno toro danno, inno tuumman gargaari diig Kiriisto isleegisanna menya? Makaateti lajebcho islaleeyaham ka la, gargaari sar Kiriisto isleegisanna menya?

1 Koriinto 10:4

toro la bicchehaas Waakh girmo ka siiche isleeyubhaabeen. Iꞌdi tahe daddaabti buurenye girmeenye icho raahte bicche kayubhaabeen. Daddaabtaas la a Kiriisto rubeytiissa.

Galaatiya 1:4

Yeesso Kiriisto ichoow wihi Waakkheenki Aabbaheene ꞌdoono a israahaan. Iꞌda ka jeenteti uskeeleen u a issoobahche yumuyye ꞌdee ꞌdarriti uskeele weyꞌda inno kariba.

Galaatiya 4:25

Haagar Hali Sinnaaye ili Araabo kijiro iche itolossa, toro la ilkerengeetti weene Yeerusaleeme weyꞌdane itolossa. A mehe nyaakhutiche khabtaayi iche a bowꞌda.

Efeesso 5:2

Wihi atin haaggissaan tuumman ka, ꞌdooninti atin enenyet ꞌdoontaan a laargo, saggi Kiriisto inno iꞌdoone ichoowka us iroonoteen u jirotiis isoobahchuu. Ulla sadakha ichoow soorriyoti uyuugenye Waakh liibahche yitah.

1 'Dessaloonika 5:18

Walahbaaw atin isoobahe ka, Waakh kalaꞌd ilaaba. Iꞌdi tahe waha a wihi Waakh atinhi atin ichoow Yeesso Kiriisto wohoo kalday tahiin atin iꞌdoono.

Tiito 2:14

Yeesso la jeentetane jirotiis inno isoobahche, ꞌdee hugunꞌdarri tuumman inno kasoofura, toro la inno dikha ꞌdee ꞌdooꞌdi kiisenye haag kalday imoono nateeh.

1 Beetero 2:24

Usu rubeytiis la massalaaba ka uskeeleen a siꞌde. Iꞌdane yeele ꞌdee uus kola uskeel inno dakhanne, jiroti fissan jirra. Sinati loomhiche ka, atin a samaatteen.