Luuka 22:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Meessoo buurenye minkiis sartiisenye meeh tuumman khabto iche atin tusa. Intaas ka golol haaggicha.”

Luuka 22:12 ပူးပေါင်းရင်းမြစ်များ

Luuka 22:11

Wihi atin ooyohi min leh itadeehiin, ‘Eti Ween mehe kiyidah ya, min goyaka meessi marti ani ichoow abattiteey gololi daawti Baasakka kanaham meeke?’

Luuka 22:13

Abatti bahte, walah dakkhan ba iꞌdi kootte us iyidah on iꞌheleen. ꞌDeerka gololi daawti Baasakka haaggisse.

Yoohana 2:25

Walah etoo miinsane usu liicheeko mele, iꞌdi tahe usu rubeytiis uuri weeli enenyet a garta.

Yoohana 21:17

Koli seyyahnaatteet Yeesso toro inokhte, wihi us iyidah, “Siimon, ínam Yoohana, at rumanka a iꞌdoonta?” Beetero jeenteti Yeesso kol seyyah, “At a iꞌdoonta?” iworsatuu, fool ribowe, wihi us iyidah, “Kamur, at walah dakkhan a garatta. Saggi an kiꞌdoono la a garatta!” Yeesso wihi us iyidah “Tab giꞌde, ꞌdooꞌdeeyki iꞌdi iiyteeye goolli.”

Hilassi Ergaano 1:13

Chiꞌicho sooeleeleen ka, inti minki saraate iche maanassaas fiddiito ikorte. Ichehi intaas fiddiito a Beetero ichoow Yoohana ichoow Yaakoobo ichoow Andereeya ichoow Fiilif ichoow Toomas ichoow Barꞌdolomaayo ichoow Mattaayo ichoow inam Alfaayoki Yaakoobo layadeeh ichoow Siimonhi Yaaftiisꞌdoone layadeeh ichoow inam Yaakooboki Yuuda layadeeh.

Hilassi Ergaano 20:8

Goonankaas saraate islakaꞌhelo ka taassi ittaawenye jira.