Luuka 21:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ Ulla wihi us yidah, “Rume atin icheeka, muunkhota miskiine iche ꞌdooꞌdi addan ꞌdirihiis wihi buure meel kaluguꞌdde.

Luuka 21:3 ပူးပေါင်းရင်းမြစ်များ

Luuka 12:44

Rume atin icheeka, kamuriis wihi us khabo tuummane dahantiis gessa, iweynaacha.

Luuka 21:2

Toro la makhaabassoo muunkheenye miskiinenye chilim lamma meel kaluguꞌdde arge.

Luuka 21:4

ꞌDooꞌda tuumman kamurroonkicho ka sadakhatoore bahche, iꞌdaasenyi iche, miskiinkiche ka wihi iche kanoossahe tuummane bihisse.”

Luuka 4:25

Rumanka maanti eti Waakh íyeyyeedo Eliiya layadeeh jire, muunkhoyyohi ittaawe ili Issiraayel a kijireen. Maanassaas guꞌh seyyah ichoow nyuus tuumman hir ili Issiraayel ma ꞌdeyine, abaarti uskul harra tuumman gesse.

Luuka 9:27

Rume atin icheeka, gaasiinkoo maanta inta kijiro, omoot ma argo geeddi icho dakhi Waakh iargin.”

Hilassi Ergaano 10:34

Beetero la yeede wihi us yidah, “An kola saggi Waakh rumanka yaafo tuumman ekka iekkaacho a arge.

Hilassi Ergaano 4:27

Rumanka ꞌHerood ichoow Boontiyo Bilaato ichoow yaafohi Yaꞌhuud ichoow yaafohi Yaꞌhuud ieheynan ba ilkerengeetta ka a kulmeene, ꞌdee saggi icho Yeessohi falfataahenye munyeenye at subahte itirrimaan goocheen.

2 Koriinto 8:12

Iꞌdi tahe chiꞌ etoo wohoo bihin ꞌdoono, khaatannaanki Waakh siintaas khaatti, wihi liikhabin menye, geeddi lakhabo iche raaha.