Luuka 2:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Maantaas la makhaabaloo Siimiyon layadeeh ilkerengeetti weene Yeerusaleem a kijira. Ulla a eti fissane Waakh karooro. Ulla yaafohi Issiraayele uur lakhoboocho iche suga. Rubeyti Munyee la usu a leejirte.

Luuka 2:25 ပူးပေါင်းရင်းမြစ်များ

Marko 15:43

Yuussufhi ilkerengeetti Arimaꞌdaaya Bilaato roorro laan iirte sar Yeesso daahe. Yuussufha la a etoo Jaldaabti Weene Yaꞌhuud goyaka magah khabo toro la dakhi Waakh laka sugo.

Luuka 1:41

Chirri iche bariito Maariya daagte ka, weeli Eliissabeet uur kakhabto yuutte, Rubeyti Munyee Eliissabeet buuhisse.

Luuka 1:6

Lammacho ba la ꞌdooꞌdi Waakh ortiis ka fiffissane eheete, raahnaanki amurreti Kamur ichoow wihi Kamur enenyet kaꞌdoono laraaho ka wohoo rucchul laka ma lakacheekan.

Luuka 1:67

Sakkariiyahi aabba Yoohanee Rubeyti Munyee buuhisse wori Waakh kaayyeede wihi us yidah,

Luuka 2:38

Iche laka chirraas on timiyye jeenteti Yeessohi dessuu Waakh kalaꞌd ilaabte, toro la ꞌdooꞌdi Waakkhi ꞌdooꞌdi ilkerengeetti weene Yeerusaleem furo sugo laka weel woriis icheekte.

Luuka 23:51

Ulla a etoo Jaldaabti Weene Yaꞌhuud goya kijiro, iꞌdaasenyi wihi icho goocheen ichoow wihi icho yeeleen ma leegoon.

Hilassi Ergaano 10:2

Usu ichoow minkiis tuumman kol tuumman wihi Waakh kahamaadicho yeeleene, toro la Waakh a karooraan. Us ꞌdooꞌdi Yaꞌhuude miskiine weyti gargaare, toro kol tuumman Waakhe wahta.

Hilassi Ergaano 10:22

Reer wihi us ilaabe, “Etoo Korneeliyo layadeehe koobbintoo iskareet itoollo kanimiy. Ulla a etoo fissane Waákh karooro, yaafti Yaꞌhuud tuumman la weyti inkaanyitto. Hertoo Waakhe munyeenye usu minkiis a kiwaho ꞌdee wora a daago itidah.”

Hilassi Ergaano 2:5

ꞌDooꞌdi Yaꞌhuude Waákh karooro ilal tuumman kayimiy la, ilkerengeetti weene Yeerusaleem a kajira.

Hilassi Ergaano 24:16

Anna jeentetaase kol tuumman Waakh ortiis ichoow weeli enenyet ortiis ka hol idowa, rubeyti suujoon ikacheekan ikhaba.

2 Beetero 1:21

A mehe ꞌdooꞌda Waákh íyeyyeedo yeedicho ꞌdooninti weeli enenyet ma kasoouummamin. Iꞌdaasenyi yeedi icho cheekeen, a ki Waakh kayimiyye Rubeyti Munyee aficho leekeente.