Luuka 18:32 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³² Usu dahanohi ꞌdooꞌdi Waakh igaranne lagessa. Icho la usu a kachaartaane, leeabaarramaane, hanjuf laka katufaane,

Luuka 18:32 ပူးပေါင်းရင်းမြစ်များ

Mattaayo 16:21

Uuꞌ maalinkaas, Yeesso abattitiis saggi Waakh igooche us ilkerengeetti weene Yeerusaleeme iirti, ewweenki Yaꞌhuud ichoow kuhaaniyyohi wewween ichoow tagaammeti amurre dahanohicho ka sinati buure liituso, liiyagiise, ibeenki seyyahnaatteet ka omoot liikasookahcho ibabbakkaahiche.

Mattaayo 20:19

Icho la dahanohi ꞌdooꞌdi Waakh igaran gessaane, lakachaarta, laajja ka doochaane, massalaaba kakaahaan. Ibeenki seyyahnaatteet ka omoot lakasookahcha.”

Mattaayo 22:6

Gaasoo laka ilbooyyeti lasooergate khabteene, jaheene, sina kawaaricheene, yigaaseen.

Mattaayo 26:67

ꞌDeerka Yeesso fool hanjuf katufeene, khomhoyyo ka guꞌddeen. Gaasoo fodoorre jahte,

Mattaayo 27:2

Hidhideene, khaateene, Bilaatohi gaafanee dahan gesseen.

Marko 14:65

Gaasichekoo hanjuf katufin sookhabteene, indo hideene khomhoyyo kajaheene, “Eti Waákh íyeyyeedoow, eti kiguꞌdde nah isoocheek,” idoween, a kachaartaanee. Iskarti meel yaakhisso khaatte, jahte.

Marko 15:1

Uun il barye, kuhaaniyyohi wewween ichoow ewweenki Yaꞌhuud ichoow tagaammeti amurre ichoow Jaldaabti Weene Yaꞌhuud tuumman wihi icho Yeesso yeelaan goocheen. Yeesso hidhideene, khaateene, dahan Bilaato gesseen.

Luuka 18:33

laajja ka doochaane, ꞌdaꞌddaboka yagiisiin. Ibeenki seyyahnaatteet ka toro omoot kasookaha.”

Luuka 23:1

Jaldaabti Ween tuumman ꞌdeerka kahte Yeesso woyte Bilaato igeesse.

Luuka 23:11

ꞌHerood ichoow iskartiis ba Yeesso lakhaanyo kadoweene kachaarteen. Darfohi karnat gesseene, khaateene Bilaato ilaabeen.

Luuka 23:35

Urur a toolla ꞌdeyꞌdoocha, ewweenki Yaꞌhuud la Yeesso kachaarta. Wihi icho yidaaheen, “ꞌDooꞌdi addan a ribe, chirri us rumanka Ki Lasubhe Koo Waakhenye Ki Lasoobahsate yahe, bal a isribo!”

Yoohana 18:22

Uus Yeesso waha yidah ka, etoo ullaka iskarti intaas tolossee, Yeesso fodoor guꞌdde, wihi us iyidah “Ya! Wahaas a saggoh at kuhaanihi weyti ween yeed ikalaabto?”

Yoohana 18:28

Baryo ka ewweenki Yaꞌhuud Yeesso min Kayaafa kakhaate, minki buurenye gaafanahi Roomee geeche. Ewweenki Yaꞌhuud la minki etaas goya ma gelin, iꞌdi tahe ichohi geeddi icho gololi daawti Baasakka iumhan isbiꞌdirroocho ma ꞌdoonaan.

Yoohana 18:30

Icho la wihi icho soolaabeen, “Chirri kootte us wohoo suuje iyeelin nah usu inta ma keenno.”

Yoohana 18:32

Waha a yitaaheene, ꞌdee wihi goorat Yeesso yidahye saggi us isooyamuut miinsan labuuhicha.

Yoohana 18:35

Bilaato wihi us ilaabe, “Kol an Yaꞌhuud ahe koogtahe? Yaaftaah ichoow kuhaaniyyohaahki wewweene dahanteey kisoogesse. At mehe yeesse?”

Hilassi Ergaano 2:23

Waakh saggi goorat us igooche us ꞌhor igartuu, Yeesso dahanohiin a soogesse. Atin la gargaari ꞌdooꞌdi uskeel leh ka usu massalaaba kakaahteene tigaaseen.

Hilassi Ergaano 3:13

Waakh Aburaaham ichoow Isakh ichoow Yaakoobo ichoow Waakh aacchinyeteenna Yeessohi falfatiise weynaache. Atin la Yeesso dahanohi chiiyeet gelisseene layigis. Chirri Bilaato soofurin gooche laka, atin Bilaato ortiis ka us keenyo menye tidaaheen.