Luuka 18:20 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁰ Amurre Muusa a garatta, ‘Makhaabali kaah ieheynan ommos makhaabassi taah ieheynan aleeurꞌdin, weeli enenyet dubunuunu iigaasan, walah ahatin, garti beenaat ayeedin, aabbahaah ichoow abartaah inkaanyit.’  ”

Luuka 18:20 ပူးပေါင်းရင်းမြစ်များ

Luuka 18:19

Yeesso wihi us ilaabe, “At a iꞌdoh ani, ‘Eti haaggan,’ ikawahta? Etoo kaldaye haaggan laka ma jiro Waakh on menye.

Luuka 18:21

Et la wihi us yidah, “Wahaas tuumman koo an iraahin mala uuꞌ goorat an weel eheet.”

Rooma 13:9

A mehe amurreta, “Makhaabali kaah ieheynan ommos makhaabassi taah ieheynan aleeurꞌdin, ogoos dubunuunu agelin, walah ahatin, walah amaanjeeran,” tadeeh tuumman ichoow chiꞌ too addan jirto, amuroo kaldach on kakulanta. Amura la mehe yadeeh ya, “Ollokkaah geeddi at isꞌdoonto ꞌdoon.”

Rooma 3:20

Maantaka etoo kaldaye jeenteti us hili amurretaas ꞌdoonto iyeeluu Waakh ortiis ka eti fissan liiekkaacho ma jiro. Amurretaas ka saggi inno uskeel iyeelle on abanna.

Efeesso 6:2

Amuri Waakh mehe yadeeh ya, “Aabbahaah ichoow abartaah inkaanyit.” Amuraas a ki oraate Waakh wohoo kaayyiche.

Kolossaay 3:20

Nyaakhut, taba atin laka wihi atin yeessaan tuumman ka, wihi ꞌdooꞌdi atin dele atin idowo raaha. A mehe waha a wihi Kamúr kahamaadicho.