Luuka 18:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ “Wihi an atin icheeko, inkoo icho goob inokhteen, eti addan menye, etane Waakh ortiis ka eti fissan liiekkaache. A mehe eti tuummane isweynaacho a lanuglaacha, eti isnuglaacho la a laweynaacha.”

Luuka 18:14 ပူးပေါင်းရင်းမြစ်များ

Mattaayo 23:12

A mehe eti tuummane isweynaacho a lanuglaacha, eti tuummane isnuglaacho la a laweynaacha.”

Mattaayo 5:3

“ꞌDooꞌdi Waakh imaalo a ki wahanyeyyohi Waakh ka miskiine, a mehe dakhi goobi Waakh a kichooda.

Luuka 1:52

Kamur karnatohi wewween komborohichoki antoot a kasookhube, iꞌdaasenyi ꞌdooꞌdi isnuglaacho a okkhiche.

Luuka 10:29

Iꞌdaasenyi et saggi wihi us kootte worsate mujjum iyahiine tusa, wihi us Yeesso worsate, “Ollokkeey la a ayyo?”

Luuka 14:11

Iꞌdi tahe eti tuummane isweynaacho a lanuglaacha, eti isnuglaacho la a laweynaacha.”

Luuka 16:15

Yeesso la wihi us icho iyidah, “Atin ꞌdooꞌd ortiis ka a ismujjummoossaane, iꞌdaasenyi Waakh uuriin a garta. Wihi weeli enenyet ortiis ka weyti khumman, Waakh weyti ꞌdiiꞌddanyahe.

Rooma 3:20

Maantaka etoo kaldaye jeenteti us hili amurretaas ꞌdoonto iyeeluu Waakh ortiis ka eti fissan liiekkaacho ma jiro. Amurretaas ka saggi inno uskeel iyeelle on abanna.

Rooma 4:5

Iꞌdaasenyi weeli enenyet jeenteti wihi us haaggicho menye, jeenteti us Waakkhi ꞌdooꞌdi uskeel leh ꞌdooꞌdi fiffissan iekkaacho ikakhuufo, iche Waakh eti fissan iekkaacha.

Rooma 5:1

Maantaka Waakh kakhuufnaanki inno usu kakhuufno ka, ꞌdooꞌdi fiffissane inno iekkaache gone, Yeesso Kiriistohi Kamureene ka Waakh nebey a ikhabna.

Rooma 8:33

Icho ayyo maanta ꞌdooꞌdi Waakh rubeytiis soobahsate uskeeloo kacheekta? Waakh rubeytiis ꞌdooꞌdaas ꞌdooꞌdi fiffissane iekkaache.

Galaatiya 2:16

Iꞌdaasenyi wihi nah garanni, eti Waakh ortiis ka eti fissan iekkaacho ki amurre Muusa raaho menye, a ki Yeesso Kiriisto kakhuufo on. ꞌDeerka nah laka Yeesso Kiriisto kakhuufna, ꞌdee amurre Muusati nah raahno ka menye, kakhuufnaanki nah Kiriisto kakhuufno ka, Waakh nah laka ꞌdooꞌdi ortiis ka fiffissan nah iekkaacha. A mehe etoo kaldaye amurre Muusati us raaho ka, Waakh eti ortiis ka fissan iekkaacho mele.

Yaakoobo 4:10

Kamur ortiis ka isnuglaacha, ulla a atin okkhichaa.

Yaakoobo 4:6

Iꞌdaasenyi Waakh haaggiiski buurenye us inno siicho a kakhayma. Jeentetaase Chiirnaanneti Waakh mehe itadeeh ya, “Waakh eti eylajo a ꞌdiiꞌddanyahe, iꞌdaasenyi eti isnuglaacho haaggiiski buurenye siicha.”