Luuka 18:12 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹² Ani teebatoo goyaka maan lamma af hiida toro la wihi an ꞌhelo tuumman goyaka miili Kamur kisoobahcha.’

Luuka 18:12 ပူးပေါင်းရင်းမြစ်များ

Mattaayo 5:20

A mehe wihi an atin iadeeh, sammata fissanoonkiin ki tagaammeti amurre ichoow Farissaayo ikutin rumanka dakhi goobi Waakh ma gessaan.

Mattaayo 6:1

Yeesso toro wihi us ꞌdooꞌd iyidah, “Chirri atin ꞌdooꞌd haag iyeessaan, wahaas saggoo ꞌdee enenyet atin ikoolicho iiyeelina. Chirri atin iꞌdaas yeessaan Aabbahiinki serey jiro kalaꞌd us atin guto mele.

Mattaayo 6:16

“Kolbaaw at af hidatti, iꞌdi ꞌdooꞌdi iskaayyeeluu fool ariboon. A mehe icho fool a dakhnaata, ꞌdee saggi icho af ihiiteen tusaan. Rume atin icheeka, icho kalaꞌddicho tuum a ꞌheleen.

Mattaayo 6:5

“Kolbaaw atin weysattaan, iꞌdi ꞌdooꞌdi iskaayyeelo iitaahana. Iꞌdi tahe icho wihi icho ꞌdoonaan, a ichohi minassi weysiite Yaꞌhuud ichoow inti enenyet tuumman kaargo ka tolossati weestaane, ꞌdee ꞌdooꞌd tuumman saaꞌdo. Rume atin icheeka, icho kalaꞌddicho tuum a ꞌheleen.

Mattaayo 9:14

ꞌDeerka abatti Yoohanahi Enenyet Baattissiyo Yeesso itimiyye wihi iche worsatte, “A iꞌdohe nah ichoow Farissaayo af ihidanna, iꞌdaasenyi abattitaah af ihidan?”

Luuka 11:42

“Atinhi Farissaayee sinati atin sugto eenna a buure! A mehe atin geeyohi golol haaggicho iꞌdi maanta nyaayka ichoow imboogayyohi fil ittaawe ka Kamur gisi tomonnaatteet a ibihissaan. Iꞌdaasenyi ꞌdooꞌdi jiti fissan ka lahukkumo ichoow ꞌdooninti Waakh a ꞌdiisseen. Wihi atin lakaꞌdoono a atinhi Kamur gisi tomonnaatteet ibihissaan, iꞌdaasenyi wahanyeyyohi weyti khumman aꞌdiinna.

Luuka 17:10

Iꞌdaasu atin laka chirra atin wihi yeela atin liidah yeesseen, wihi atin tadeehiin, ‘Nah a ilbooyyeti wihi iche yeesse ka kalaꞌd isugin. A mehe nah hilaanya on buuhinne.’ ”

Rooma 3:27

Kamalda bal, wihi inno keeylajno a khabna? Mele, wohoo rucchule inno keeylajno ma khabno! Jeenteti inno amurretoo iraahnuu eylajin a nabuuꞌd? Mele, a jeenteti inno Yeesso ikakhuufno on.

1 Koriinto 1:29

Waakh iꞌdane yeele, uus ꞌdee etoo kalday laka ortiis ka eylajine.

Galaatiya 1:14

An weyti hugumme aacchinyeteenyo isibahche, boorreeyki Yaꞌhuud ka, an rumanka oreye raahe.

Efeesso 2:9

toro la jeenteti atin wohoo iyeesseen mee, uus ꞌdee etoo kalday laka eylajine.

1 Timooti 4:8

A mehe sarti lajeycho indigirtoo rucchul on khabta. Iꞌdaasenyi jiroti Waakh kahamaado lajiro, walah tuumman indigire ikhabta. Jiroti toolla ichoow ti soosohatti ka, jiroti Waakh kiayyiche jirta.