Luuka 17:25 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁵ Iꞌdaasenyi koloo Ínam Aadam sinati buurenye kawaarta, ꞌdooꞌdi weyꞌda la usu ꞌdiiꞌda.

Luuka 17:25 ပူးပေါင်းရင်းမြစ်များ

Mattaayo 16:21

Uuꞌ maalinkaas, Yeesso abattitiis saggi Waakh igooche us ilkerengeetti weene Yeerusaleeme iirti, ewweenki Yaꞌhuud ichoow kuhaaniyyohi wewween ichoow tagaammeti amurre dahanohicho ka sinati buure liituso, liiyagiise, ibeenki seyyahnaatteet ka omoot liikasookahcho ibabbakkaahiche.

Mattaayo 21:42

Yeesso wihi us icho iyidah, “Atin Chiirnaanneti Waakh ka waha a soonteen menya? “ ‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah. Kamure waha yeele, indoheen ka la weyti haagganyahiin.’

Marko 10:33

Wihi us iyidah, “Ilkerengeetti Yeerusaleeme iranna, Ínam Aadam la ꞌdube lagoocha kuhaaniyyohi wewween ichoow tagaammeti amurre dahanohicho lagessa. Iche la omoot igoossa, ꞌdooꞌdi Waakh igaran dahanohicho gelissa,

Marko 12:10

Atin injire waha Chiirnaanneti Waakh ka ma soomin a? “ ‘Daakki ꞌdooꞌdi minan diso ꞌdiiꞌde, iche tirrinki dagaheete min tiiro yitah.

Marko 8:31

Yeesso ꞌdeerka abattitiis wihi Waakh gooche abinnaan sookhabte. Waha la a saggi Ínam Aadam sinati buure liituso, ewweenki Yaꞌhuud ichoow kuhaaniyyohi wewween ichoow tagaammeti amurre usu iꞌdiiꞌdaane, liiyagiise, chirri maan seyyahe kutte us omoot ikasookaho.

Marko 9:31

a mehe abattitiissa wohoo abchaa. Wihi us iyidah, “Ínam Aadam dowwanoha ka ꞌdube lagoocha, dahanohi enenyet lagessa yagiisiine, chirri maan seyyahe kutte ka omoot kasookaha.”

Luuka 18:31

Yeesso abattitiisti tomon ichoow lammee ꞌdol iwahe wihi us iyidah, “Ilkerengeetti weene Yeerusaleeme ikorra ꞌdee wihi goorat ꞌdooꞌdi Waákh íyeyyeedo chiire Ínam Aadam miinsan tuumman labuuhicha.

Luuka 18:33

laajja ka doochaane, ꞌdaꞌddaboka yagiisiin. Ibeenki seyyahnaatteet ka toro omoot kasookaha.”

Luuka 24:46

Ulla wihi us iyidah, “Wihi chiiran a waha. Ki Lasubhe sina loomhicha, ibeenki seyyahnaatteet ka omoot kasookaha.

Luuka 9:22

Toro wihi us iyidah, “Ínam Aadam sinati buurenye latusa, ewweenki Yaꞌhuud ichoow kuhaaniyyohi wewween ichoow tagaammeti amurre usu ꞌdiiꞌdaane, layagiise ibeenki seyyahnaatteet ka omoot lakasookahcha.”

Yoohana 1:11

Us ꞌdooꞌdiissa iyimiyye, iꞌdaasenyi ꞌdooꞌdiis usu ma khaatan.

Yoohana 12:38

Wahaas la a yitaaheene ꞌdee wihi eti Waákh íyeyyeedo Isaaya layadeeh ka lachiire labuuhicha, “Kamur, ayyo wori nah cheekne rummeeste? Ayyo miigti Waakh latuse?”