Luuka 17:22 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²² Wihi us abattitiis iyidah, “Ibeen a yamiit ki atin Ínam Aadamhi soonokhti harra dakhti imoontaan argin ꞌdoontaan, iꞌdaasenyi argin ma tabuuꞌdiin.

Luuka 17:22 ပူးပေါင်းရင်းမြစ်များ

Mattaayo 9:15

Yeesso wihi us ilaabe, “ꞌDooꞌdi mindischo yimiy ma ooyo geeddi eti min disti intaas kijiro menya? Maane a tamiit ti ꞌdooꞌd eti min disti lakakhaato, ꞌdeerka ꞌdooꞌd af hiiti.”

Marko 2:20

Iꞌdaasenyi maane a tamiit, ti ꞌdooꞌd eti min disti lakakhaato. Maantaase ꞌdee ꞌdooꞌd af hiita.”

Luuka 13:35

Yeya, Waakh rubeytiis minki Waakhe buurenye kiine a kaguure minki marah kalday atin ikatabe. Wihi an atin icheeko, yombuu toro ma iagartaane ichoowka, ‘Waakh ki magahi Kamur kayamiit a imaale,’ tadeehiin.”

Luuka 5:35

Iꞌdaasenyi maane a tamiit, ti ꞌdooꞌd eti min disti lakakhaato. Maanassaase ꞌdee ꞌdooꞌd af hiita.”

Yoohana 12:35

Yeesso la wihi us icho iyidah, “Geeddoo rucchul on banay khabtaan. Banay goya kasohda giꞌde, geeddi banay jiraane mugꞌdi ikhaatin. Eti mugꞌdi kasohti, inti us isohti ma garti.

Yoohana 13:33

“Nyaakhutaaw, an kola geeddoo rucchul on atin leefiddiya. Atin a iyowattaane, iꞌdaasenyi iꞌdi goorat an yaafohi Yaꞌhuud iidah u, inti an irdi emeet ma tabuuꞌdiin.