Luuka 17:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Wihi deefo a usuhi daddaabti buurenye gurnaan lakatumo lukhum lakahido beyti buure goya lakalugꞌdo usuhi ꞌdooꞌdaar tarraantarricho ka.

Luuka 17:2 ပူးပေါင်းရင်းမြစ်များ

Mattaayo 17:27

Iꞌdaasenyi uus inno kakhuufnaanki icho Waakh kakhuufaan tirine, nyaam beyti Gaalilaaya iro, oroohti bahag lakakhabti bey goya isey. Bahaggi oraate at sookhabatte, chaꞌat af bakkaahisse chilim a agarta, chilinkaas khaate ꞌdooꞌdi kooddi goocho igeeche, kooddiheey ichoow kaah ba kagut.”

Mattaayo 18:10

Taba nyaakhuti rurrucchul aꞌdarraawina. Iꞌdi tahe wihi an atin iadeeh, herti Waakhe goobi Waakh ka icho yuubisso kol dakkhan goobi Waakh ka fool Aabbaheey a agarta.

Mattaayo 18:14

Aabbaheeyki serey jiro laka saggaas u, nyaakhuta rurrucchul ichehi koo kalday laka baabo ma ꞌdoono.

Mattaayo 26:24

Ínam Aadam iꞌdi usu miinsane lachiiruu, a yamuut. Iꞌdaasenyi eti Ínam Aadam ꞌdub goocho, sinati sugto eenna a buure! Usuhi goorat idelanne deefta.”

Marko 9:42

“Chiꞌ etoo ꞌdooꞌdaar irummeesti kichokoo tarraantarricho la, etaas wihi ideefo a usuhi daddaabti buurenye gurnaan lakatumo lukhum lakahido beyti buure lakalugꞌdo.

Yoohana 21:15

Inkoo icho golossateen ka, Yeesso wihi us Siimonhi Beetero layadeeh iyidah, “Siimon, ínam Yoohana, at geeddi abattita addan iꞌdoonto, ꞌdirihiche weyti a iꞌdoonta?” Ulla, “Aa, Kamur, ati rubeytaah saggi an kiꞌdoono a garatta,” iyidah. Yeesso la wihi us iyidah, “ꞌDooꞌdeeyki iꞌdi makhassi iiyyaate goolli giꞌde.”

1 Koriinto 9:15

Iꞌdaasenyi an injire waha imuꞌdan golol ma kayowan. Toolla la khadaaba mee soochiiro ꞌdee golol isiissaan. Anihi Wori Haaggane an iꞌdaanu cheeko an keeylajo liikakhaato ka, anihi amuute deefta!

1 Koriinto 9:22

ꞌDooꞌdi ꞌdabakhe ka la, an a isꞌdabakhnoocha, ꞌdee icho Kiriisto ikeena. An ꞌdooꞌda tuumman iꞌdichooda iskayeele, ꞌdee sagag tuumman ka ꞌdooꞌd gaasoo Kiriisto ikeena.