Luuka 16:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ “Eta kamure ilbooyiiska weene khollokkhan jeenteti ekkeysihiis u kooliche. A mehe ꞌdooꞌdi harrata wihi icho isiyeelaan ka, ꞌdooꞌdi banayhi Waakh kijiro khara ka a kussanyahiin.

Luuka 16:8 ပူးပေါင်းရင်းမြစ်များ

Mattaayo 12:32

Eti Ínam Aadam igafe a geeddi uskeeliis liikakuto. Iꞌdaasenyi eti Rubeyti Munyee igafe, uskeeliis harrata ka ichoow harrati soosohatti ka ma liikakuto.

Mattaayo 17:26

Beetero wihi us ilaabe, “ꞌDooꞌdi ki ilaas ieheynane kaguttaan.” Yeesso iiyeyye, “ꞌDeerka ꞌdooꞌdicho kooddi ma guto gon.

Luuka 16:10

“Eti tuummane wihi rucchul ka lakakhuufo, wihi buure ka laka a lakakhuufa, eti tuummane wihi rucchul ka liikakhuufin la, wihi buure ka laka ma lakakhuufo.

Luuka 16:4

Wihi an yeelo ꞌdee chirri hil liikabahche laka an aalassi ittaawenye igargaaro khabo a garda.’

Luuka 16:7

“Ki lammaatteet toro worsate wihi us worsate, ‘At la mogti at khabto a geeddoh?’ “Et la wihi us ilaabe, ‘A ugar kudoo ꞌdargaayye.’ “Wihi us iyidah, ‘Buuggaahki mogeet ka tomon siyyeet on kayeel.’

Luuka 18:6

Kamur toro wihi us yidah, “Bal etaas khollokkhane ꞌdooꞌd hukkumo wohoo kaabda.

Luuka 20:34

Yeesso wihi us ilaabe, “ꞌDooꞌdi harrata min a dista toro mindischo ka laka ladiiba.

Luuka 20:35

Iꞌdaasenyi ꞌdooꞌdi Waakh ꞌdooꞌdi fiffissan iekkaacho omoot lakasookahcho goobi Waakh furti, min ma disti ommos mindischo ka ma ladiibo.

Yoohana 12:36

Anihi banay atin ikeeno, geeddi an atin leejiro irummeesda, ꞌdee atin laka ꞌdooꞌdi banay goya kasohti ateeha.” Inkoo Yeesso waha yidah ka, ꞌdooꞌd katabe, irte dagte.

1 Koriinto 3:18

Iisekkeysanna giꞌde! Chirri etiinkoo saggi ꞌdooꞌdi harrata iekkaacho ka kol us khara yahe iskoogyahe, iꞌdi eti ꞌdooꞌdi harrata ꞌdalam iekkaacho a yitaahe, ꞌdee eti rumanka kharee a yitaahe.

Efeesso 5:8

A mehe atin rubeytiin goorat ꞌhor mugꞌdi eheete, iꞌdaasenyi atin ichoow Kamur wohoo kalday a tahiin gone, banaye titaaheen. Maantaka fatali ꞌdooꞌdi banaye jira giꞌde.

Fiiliffi 3:19

Waakh ꞌdooꞌda berri a baabiicha. Iꞌdi tahe waakkhicho a uurichooda. Wihi lakhaanyo ikeeno keeylajaane, toro la mali icho khabaan, a ki wahanyeyyohi harrata on.

1 'Dessaloonika 5:5

Atin tuumman a ꞌdooꞌdi banay goya kijiro, fiddihiin la a ki ꞌdooꞌdi maalim chirri walah tuumman laargo walah yeelo. Atin ꞌdooꞌdi mugꞌdi ichoow ibeen goya kijiro mee.

1 Beetero 2:9

Iꞌdaasenyi atin a ꞌdooꞌdi Waakh soobahsate, a kuhaaniyyohi karnat, a yaafti munyee, a ꞌdooꞌdi Waakhe Waakkhi mugꞌdi goya kasoobahche banayhiiski haaggan goya soogesse wihi weyti haaggane us yeele cheeko.

1 Yoohana 3:10

Saggane nyaakhuti Waakh ichoow nyaakhuti Seytaan seley ibihinna. Eti tuummane wihi fissan iyeelin, ki Waakh mee. Eti tuummane etiiski Kiriisto rummeeste iꞌdoonin laka ki Waakh mee.