Luuka 16:3 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³ “Ilbooyi ween la wihi us uuriis goyaka yidah, ‘Kamureey kola hili an kijiro a ikabahcha. Mehe yeelo? Ani la miigti gosas lakakhuto ma khabo, daah la a kuuryaawa.

Luuka 16:3 ပူးပေါင်းရင်းမြစ်များ

Mattaayo 20:8

“Chirri il gelebnowe ka, eti gos leh falfatiisti ween wahe wihi us iyidah, ‘Nyaame ꞌdooꞌdi hil haaggiche wahe, gut. Koloo la reeri an yomboka kireesde kasookhabo ichoowka ki an orey kireesde eleeli.’

Marko 10:46

ꞌDeerka ilkerengeetti Yeeriko sooeleeleen ilkerengeetti weene Yeerusaleeme isohtaanee. Chirra Yeesso ichoow abattitiis ichoow ururoo buure Yeeriko kabahaan, etoo indo laaye Bartimaayo layadeehe koo Timaayee, jite fiddiya, walah daddaaha.

Luuka 12:17

Eta gos leh masse wihi us uuriis goyaka yidah, ‘Mehe yeelo? Inti an gurnaankeey kachibo ma khabo.’

Luuka 16:2

Ulla ꞌdeerka ilbooyaas wahe wihi us worsate, ‘Waha an daddaago lakaacheekti a mehe? Saggi orran at hoolaheey idakhatti khadaaboo ka isoochiire isii. Iꞌdi tahe at kola ilbooyeeyki ween mee.’

Luuka 16:20

Arittiis la etoo miskiinenye Laassaro layadeehe jiissoo suuje sar tuumman kasoobahte lakeene,

Luuka 16:22

“Saahka eti miskiine yumuyye, herti Waakh la khaatte inti ꞌdooꞌdi fiffissane tuume lagesso ka, Aburaaham garabiis orrommisse. Eti kamure laka yumuyye lahawwaale.

Luuka 16:4

Wihi an yeelo ꞌdee chirri hil liikabahche laka an aalassi ittaawenye igargaaro khabo a garda.’

Luuka 18:4

“Geeddoo dakkhan leeꞌdiiꞌde. Iꞌdaasenyi saahka wihi us uuriis goyaka yidah, ‘Chirri an Waakh ikaroorine an weeli enenyet ikabaalin laka,

Yoohana 9:8

Ollokkiis ichoow ꞌdooꞌdi tuummane ꞌhor usuhi walah daddaaho arge wihi icho worsateen, “Icho eta, eti orran fiddiyo walah daddaaho menya?”

Hilassi Ergaano 3:2

Etoo uus goorat desse luhlo laa la a jire. Eta maan tuumman a lasoosiꞌda, aritti minki Waakhe buure ka Aritti Haaggan layadeeh loorrommicha eti gelo tuumman walah daaha.

Hilassi Ergaano 9:6

Toollaka kahe ilkerengeet gele ꞌdee wihi at yeesso a lakicheeko.”

2 'Dessaloonika 3:11

Mehe daagna ya goytiin ka ꞌdooꞌdi ollommeenye jira. Icho hilicho ma haaggichaane, toro hili ꞌdooꞌdi addane kaaddihaan.