Luuka 16:2 - Wori Haaggane Yeesso Kiriisto Miinsan Ayyinti Husube Waakh Enenyet Igooche

² Ulla ꞌdeerka ilbooyaas wahe wihi us worsate, ‘Waha an daddaago lakaacheekti a mehe? Saggi orran at hoolaheey idakhatti khadaaboo ka isoochiire isii. Iꞌdi tahe at kola ilbooyeeyki ween mee.’

Luuka 16:2 ပူးပေါင်းရင်းမြစ်များ

Mattaayo 12:36

“Iꞌdaasenyi wihi an atin icheeko, ibeenki Waakh ꞌdooꞌd hukkumo, enenyet yeedi indigir laaye aficho kasoobahe iche cheekta.

Mattaayo 20:8

“Chirri il gelebnowe ka, eti gos leh falfatiisti ween wahe wihi us iyidah, ‘Nyaame ꞌdooꞌdi hil haaggiche wahe, gut. Koloo la reeri an yomboka kireesde kasookhabo ichoowka ki an orey kireesde eleeli.’

Luuka 12:20

“Iꞌdaasenyi Waakh wihi us etaas iyidah, ‘ꞌDalamoow! Ibeenka goya rubeytaah a lakakhaata. Ayyo ꞌdeerka waha at isitannabisse ꞌhela?’

Luuka 12:42

Kamur wihi us ilaabe, “Kamalda bal, ilbooyi weene lakakhuufo toro kharee a ayyo? A ki kamuriis ilbooyyetiis dahantiis gesso ꞌdee sahaꞌddi mujjume ka ilbooyye goollicho.

Luuka 16:1

Yeesso abattitiis imammahte wihi us iyidah, “Etoo kamurenye saggi ilbooyiiski ween hoolahiis ikagirꞌdaamo liicheeke a jira.

Luuka 16:3

“Ilbooyi ween la wihi us uuriis goyaka yidah, ‘Kamureey kola hili an kijiro a ikabahcha. Mehe yeelo? Ani la miigti gosas lakakhuto ma khabo, daah la a kuuryaawa.

Rooma 14:12

ꞌDeerka ꞌdee eteemba berri wori jirotiis tuumman Waakh a idowdowa.

1 Koriinto 1:11

Iꞌdi tahe ꞌdooꞌd Kiriistokaaw, ꞌdooꞌdoo goob Kiilow kayimiy saggi atin isileejaakhtaan a isoocheeke.

1 Koriinto 4:2

Ilbooyi walah dahanohiis lagesse, usuhi saggi us eti rumanka lakakhuufo iyahe tuso iche laꞌdoona.

1 Koriinto 4:5

Maantaka geeddi sahaꞌddi mujjume iitaahan uurassiin ka enenyet ahukkumina. Ibeenki Kamur soonokhti suga. Ulla wihi dagsane mugꞌdi goya kijiro tuummane banay goya isoobahcha. Wihi weeli enenyet uuriis ka ꞌdoono laka a soobahcha. Waakh la ebba koolohi imale a siicha.

2 Koriinto 5:10

Iꞌdi tahe inno tuumman komborti Kiriisto enenyet kahukkumo orcheeda kasoobahna, ꞌdee ebba haag ommos suujoonki us geeddi us sartiis khabo yeele ka laguta.

1 Timooti 4:14

Siintaahti maanti ewweenki urur Kiriisto woyo dahano kikorche wori Waakhe lakaayyeedo at kaꞌhesse akadabin.

1 Timooti 5:24

Uskeeli ꞌdooꞌd gaasoo yeelo iꞌdaanu laarga, enenyet tuumman la saggi icho liihukkumo a garta. Uskeeli ꞌdooꞌd gaasoo la ꞌdubichooda on sooraaha.

1 Beetero 4:10

Ebba siimbaaw us ꞌhele ka ꞌdooꞌdi addan a ihilo. Iꞌda ka ebba haaggi Waakhe buurenye fil ittaawe mujjume dakhta.

1 Beetero 4:5

Iꞌdaasenyi ꞌdooꞌda wihi jiroticho miinsane us Waakkhi ꞌdooꞌdi jiro ichoow ki tuume ba hukkumo idowdowo ma kabahsataan.

Bakkaahit 20:12

Anna ꞌdooꞌdi tuume, ki mimmiige ichoow ki ꞌdaꞌddaran ba usuhi komborta antoot ortiis toollo arge. Buuggag la laaffure. Buuggoo addane magahenyeti ꞌdooꞌdi jiroti imassan ꞌhelo kachiiranyahe lafure. ꞌDooꞌdi tuume ebba wihi us goorat yeele buuggag goya kachiiran ka lahukkume.