Luuka 16:16 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁶ “Chiirnaanneti Amurre ichoow ti ꞌdooꞌdi Waákh íyeyyeedo tuumman ꞌdooꞌd a liicheeke ichoowka Yoohanahi Enenyet Baattissiyo yimiy. Uus maantaas, Wori Haaggane dakhi Waakh miinsan enenyet a liicheeka. Ebba la usuhi miigtiis ka dakhaas gelo marma.

Luuka 16:16 ပူးပေါင်းရင်းမြစ်များ

Mattaayo 10:7

Geedda atin ꞌdussaan la wora cheeka, wihi atin tadeehiin la, ‘Dakhi goobi Waakh kola a soodowwaate.’

Mattaayo 15:11

Walah enenyet af tabo enenyet biꞌdirroocho mele. Iꞌdaasenyi yeedi enenyet af leeyamiit iche enenyet biꞌdirroocha.”

Mattaayo 21:32

Iꞌdi tahe Yoohanahi Enenyet Baattissiyo a atin iyimiyye ꞌdee jiti fissan atin tusa, atin la usu ma rummeysanne, iꞌdaasenyi ꞌdooꞌdi kooddi goocho ichoow malaayeyyo, iche usú rummeesté. Inkoo atin wahaas tuumman agarteen laka, yomboka uskeeliin ma ꞌdiinne, usu ma rummeysan.

Mattaayo 3:2

Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

Mattaayo 4:17

Uus maantaas Yeesso Yeedi Waakh ꞌdooꞌd icheeke, wihi us iyidah, “Uskeeliin kasoonokhda, a mehe dakhi goobi Waakh a soodowwaatee.”

Mattaayo 4:23

Yeesso boroofenhi Gaalilaaya tuumman goya tabe, minassichoki weysiite Yaꞌhuud ka Wori Haaggane dakhi Waakh miinsan cheeke, ꞌdooꞌdi khakkhannane khannaattetiis fil dakkhan tahe laka samaache.

Marko 1:14

Inkoo Yoohana jeela lagesse ka, Yeesso boroofenhi Gaalilaaya irte. Intaas ka, Wori Haaggane Waakh kayimiy on cheeka.

Marko 1:45

Iꞌdaasenyi etaas irte, enenyet tuumman yeedaas icheeke, woraas taaꞌhiche. Yeesso saahka jeentetaas u chiꞌ laargo ilkerengeet gelin ma yabuuꞌd, iꞌdaasenyi hidaad on fiddiya. Eheetteey laka, enenyet Yeesso ma ꞌdiicho, ꞌdollo tuumman ka a iyamiit on.

Luuka 10:11

‘Ebeeri ilkerengeettiinna luhlo nah kaangago laka atin on atin isahna, waha la saggi Waakh sina atin ituso iche tusaan. Iꞌdaasenyi waha abda, dakhi Waakh a soodowwaate.’

Luuka 10:9

ꞌDooꞌdi khakkhannane ilkerengeettaas kajiro samaacha, wihi atin itadeehiin, ‘Dakhi Waakh kola a atin isoodowwaate.’

Luuka 16:29

“Aburaaham wihi us ilaabe, ‘ꞌDooꞌdiin, a geeddi us amurre Muusa ichoow wihi ꞌdooꞌdi Waákh íyeyyeedo chiire soomo, icho la wihi liidowo on a daageen.’

Luuka 16:31

“Aburaaham la wihi us ilaabe, ‘Chirri icho amurre Muusa ichoow wihi ꞌdooꞌdi Waákh íyeyyeedo chiire daagiwwaayeen, chirri etoo omoot kasookahe laka uskeelicho ma ꞌdiichaan.’ ”

Luuka 9:2

Ulla ergaano ili kharaat ierge, ꞌdee wori dakhi Waakh miinsan cheekta, ꞌdooꞌdi khakkhannan laka samaassa.

Yoohana 1:45

Fiilif Naꞌdaanayel ꞌhele wihi us iyidah, “Nah eti goorat Muusa Chiirnaanneti Amurre ka chiire, ꞌdooꞌdi Waákh íyeyyeedo laka woriis chiireen a ꞌhelle. Ulla a Yeessohi ilkerengeetti Naasarete, a ínam Yuussuf.”

Yoohana 11:48

Chirri inno usu ꞌdiinne us sagga isossohti, ꞌdooꞌd tuumman usu a rummeesta. ꞌDeerka ꞌdooꞌdi wewweene ili Rooma yamiite, minkeenki Waakhe buure ichoow yaafteen tuummamba baabiichaan.”

Yoohana 12:19

Farissaayo ꞌdeerka wihi iche isitidah, “Ma agartaan a, wihi inno yeelin leheet ma yeelloo! ꞌDooꞌd tuumman usu raaha!”

Hilassi Ergaano 3:18

Iꞌdaasenyi Waakh saggane wihi us ꞌdooꞌdi Waákh íyeyyeedo tuumman orey cheeke ka ibuuhiche. Wihi icho orey cheekeen la a Lasubhehiiski sina lakawaaricho.