Luuka 16:10 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁰ “Eti tuummane wihi rucchul ka lakakhuufo, wihi buure ka laka a lakakhuufa, eti tuummane wihi rucchul ka liikakhuufin la, wihi buure ka laka ma lakakhuufo.

Luuka 16:10 ပူးပေါင်းရင်းမြစ်များ

Mattaayo 24:45

“Kamalda bal, ilbooyi lakakhuufo toro kharee a ayyo? A ki kamuriis goobiis iweynaache, toro la geeddi mujjume ka ilbooyye kamuriis gololicho.

Mattaayo 25:21

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam!’

Mattaayo 25:23

“Kamuriis wihi us ilaabe, ‘At weyti haaggisse! At rumanka a ilbooyi haaggane toro lakakhuufo! At wihi rucchule dahan lakisoogesse ka laka a lakaakhuufa gone, wihi ittaawenye kiweynaacha. Kaale kamuraah hamaadiis leegisam.’

Luuka 19:17

“Kamuriis la wihi us ilaabe, ‘At weyti haaggisse! At rumanka a bowꞌdati haaggan! At wihi rucchule dahan lakigesse ka laka a lakakhuufa gone, ilkerengeet tomone anatta.’

Yoohana 12:6

Jeenteti us miskiino uur ikasoonugleeste mee waha iyidah. Jeenteti us iꞌdaas iyidah, a jeenteti us ugarti chilimme ikhuccho, us chilimme ihato.

Yoohana 13:2

Yeesso ichoow abattitiis ba gololi gelebeete yamhiin. Seytaan la Yuuda Iskaariyoothi inam Siimone mali suujenye us Yeesso ꞌdub kagoocho orey on rubeytiis gesse.

Yoohana 13:27

Uus Yuuda makaate khaate, Seytaan goytiis gele. Yeesso la wihi us Yuuda iyidah, “Nyaam, wihi at sooyeesso dowwa yeel!”

Ibiraaniya 3:2

Yeessohi Waakh soobahsate la, wihi Waakh yeel iyidah tuumman ka a eti lakakhuufe, saggi Muusa hiliiski minki Waakh ka eti lakakhuufe ieheet u.