Luuka 14:23 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²³ “Eti kamure wihi us ilbooyiis iyidah, ‘Nyaam jitassi babballaaddan ichoow jitassi juukhe iro, ꞌdooꞌd hawwaasso ꞌdee minkeey a buuhsamo.

Luuka 14:23 ပူးပေါင်းရင်းမြစ်များ

Kolossaay 1:28

Nah wori Kiriisto miinsane cheekna, ebba la kharateenyo tuumman ka tootoonna, walah abinna, ꞌdee ichohi icho ichoow Kiriisto wohoo kalday yitahye iiꞌdowe Waakh ikeenna.

2 Koriinto 5:11

Maantaka nah Kamuri lakarooro wihiis a garanna gone, hole downa weeli enenyet hawwaassanna. Waakh wihi nah nahe khuuf on garta, toro an a khajjeela atin laka rubeyohiinki haag ichoow suujoon seley saaho ka wihi nah nahe khuuf a garattaan.

2 Timooti 4:2

Tab giꞌde tannabo Yeedi Waakh kolal dakkhan ꞌdooꞌd icheek. ꞌDooꞌd saggi us uskeel iyeele icheeke, leejaakh, toro uur miigooy. Geeddi at waha yeesso la weyti samacchaare, mujjum la enenyet walah abi.

2 Koriinto 5:20

Maantaka nah a ꞌdooꞌdi meel Kiriisto kijiro. Waha a iꞌdoo Waakh nah ka enenyet hawwaasti. Nah la a atin hawwaassanna iroono Kiriistuu taba keennaanki Waakh ankiis atin keeno raaha.

Kolossaay 1:23

Iꞌdaasenyi, taba wori rummaat kakhuufa, iꞌdi wihi isesseehin u jurkhicha. Khajjeeli Wori Waakhe Haaggan akaguurina. Wora atin daagteen a ki ꞌdooꞌdi harra tuumman liicheeke. Anna a Baawulo, a falfati Wora Haaggan cheekto.

Rooma 10:18

Iꞌdaasenyi wihi an worsadi a mehe ya, ꞌdooꞌdi Issiraayel wora ma daagin a? Aa! Rumanka a daageen. Iꞌdi Chiirnaanneti Waakh liikachiiruu, “Hooyassicho harra tuumman a kataaꞌheene, yeedi icho yeyyeedeen harra ginꞌdohiche tuumman a eleele.”

Hilassi Ergaano 28:28

“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”

Hilassi Ergaano 18:6

Iꞌdaasenyi chirri ꞌdooꞌdi Yaꞌhuud Baawulo tirrime icho usu leeabaarrameen ka, ebeeri darfohiis ijillaanjilliche saggi icho ikhufeen tuse. Wihi us iyidah, “Chirri atin baabaateen, atin on awtiin u isooya. Ani walah liiworsati mele. Uus toolla kakhabatti, an yaafohi Yaꞌhuud ieheynane iirda.”

2 Koriinto 6:1

Nah a ꞌdooꞌdi Waakh hil leehaaggicho gone, a atin hawwaassanne, taba haaggi Waakhe buure wihi ilmarhaatteet iikhaatina.

Hilassi Ergaano 9:15

Iꞌdaasenyi Kamur wihi us Anaaniya iyidah, “Nyaam iiro, iꞌdi tahe an usu a soobahsade, ꞌdee ulla yaafohi Yaꞌhuud ieheynan ichoow karnatteticho ichoow ꞌdooꞌdi Issiraayele woreey igeechaa.

Mattaayo 21:43

“Maantaka wihi an atin icheeko, dakhi Waakh a atin lakakhaata yaafti gurnaanki Waakh ꞌdoono desso lasiicha.

Hilassi Ergaano 16:15

Chirra iche ichoow ꞌdooꞌdi minkiche kajire tuumman labaattissiye ka, goobiche nah iwahte, “Chirri atin ani eti Kamur rummeeste ikhaattaan, kaaleya minkeey fiddiya,” nah itidah. Iche la nah hawwaassatte.

Luuka 24:29

Iꞌdaasenyi soojeycheene wihi icho iyidaaheen, “Kaale a isleebariino orrahe kola a dihtee.” Ulla ꞌdeerka irte icho leefiddiye.

Mattaayo 5:41

Chirri etoo iskareet meehiis kihosse, ‘Kiilomittatoo kalday siꞌd,’ kiyidah, at la kiilomittatoo kalday menye, kiilomitta lamma isiꞌd.

Luuka 14:22

“Ilbooy wihi us ilaabe, ‘Eti ween wihi at tidah a yeele, iꞌdaasenyi min uliba ma buuhsamin.’

Luuka 14:24

Wihi an atin iadeeh, eti dakkhane goorat lawahe emeet ꞌdiiꞌde golola af ma kaꞌdaaro!’ ”