Luuka 13:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ Et wihi us ilaabe, “ ‘Eti ween, ꞌdii toro guꞌha laka a fiddiyo, amba ꞌdollohiis khuta, laag laka kachiba ꞌdee bal a agarro.

Luuka 13:8 ပူးပေါင်းရင်းမြစ်များ

Luuka 13:7

Ulla ꞌdeerka ilbooyi gos khuto wihi us iyidah, ‘Guꞌh seyyah dakkhan an geeya fiig gurnaan on kayowda, ulla gurnaan us delo mele. Gooy uus immarah harra katoolline.’ ”

Luuka 13:9

Chirri us berri gurnaan dele, a haaggantahe. Chirri us idelin la goocha.’ ”

Luuka 14:35

Harra ommos laag laka ma iroon gone, a lakhuba on. “Eti dogo khabo, a daago giꞌde.”

Rooma 10:1

ꞌDooꞌd Kiriistokaaw, wihi uur weyti iꞌdoono toro la an Waakh daaho, a ꞌdooꞌdi Issiraayele laribo.

Rooma 11:14

An iꞌdane yeela a mehe anihi ꞌdooꞌdeey inaaf gesso khajjeela, ꞌdee saggoo an gaasichokoo iribo ꞌhola.

2 Beetero 3:9

Kamur wihi us ayyiche ka ma soomalmalo iꞌdi ꞌdooꞌd gaasoo malmalli ikhaatuu. Us a atin igarrahsata a mehe usuhi etoo kalday laka iumaatane, iꞌdaasenyi enenyet tuumman uskeel kasoonokhti iche ꞌdoona.