Luuka 13:24 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁴ “Hol dowe afafhi juukhe kagel. Iꞌdi tahe wihi an atin iadeeh, ꞌdooꞌdi buure afafhaase kagelin ꞌdoona, iꞌdaasenyi ma yabuuꞌdiin.

Luuka 13:24 ပူးပေါင်းရင်းမြစ်များ

Mattaayo 11:12

Uus ibeenneti Yoohanahi Enenyet Baattissiyo jire kasookhabatti ichoowka toolla, dakhi goobi Waakh sina a kawaarte. ꞌDooꞌdi sussuuje la usuhi goobi Waakh khabti marma.

Luuka 13:23

Etoo la wihi us Yeesso worsate, “Kamur ꞌdooꞌdi uskeel lakaribo a koo rucchul on a?” Yeesso la wihi us ilaabe,

Luuka 21:36

Kol dakkhan isyaakhicha. Weesda la ꞌdee Waakh waha tuummane dowwanoha ka sooyateeh a atin kakhaduudicho, miigti atin Ínam Aadam ortiis katolossattaan a atin siicho.”

Yoohana 13:33

“Nyaakhutaaw, an kola geeddoo rucchul on atin leefiddiya. Atin a iyowattaane, iꞌdaasenyi iꞌdi goorat an yaafohi Yaꞌhuud iidah u, inti an irdi emeet ma tabuuꞌdiin.

Yoohana 6:27

Gololi dowwa on kheerowo hol iidowina, iꞌdaasenyi gololi ikheerowine ꞌdooꞌdi yuhum jirtuu tuumman jiro, Ínam Aadam atin siicho hol idowa. Iꞌdi tahe Waakkhi Aabbaheene saggi us usu iꞌdoono on igooche.”

Yoohana 7:34

Atin a iyowattaane, iꞌdaasenyi ma iꞌhessaan. Iꞌdi tahe inti an kajiro ma tamiitiin.”

Yoohana 8:21

Yeesso toro wihi us icho iyidah, “An a irda, atin la a iyowattaan. Iꞌdaasenyi inti an irdi ma tamiitiin. Uskeeliin goya katuuntaan.”

Rooma 10:3

Icho jiti Waakh enenyet ꞌdooꞌdi fiffissan iekkaacho ma aban. Icho awtichooda on u jiti icho ꞌdooꞌdi fiffissan iskayeelaan yowtaan. Icho jiti Waakh enenyet ꞌdooꞌdi fiffissan iekkaacho raahin a ꞌdiiꞌdeen.

Kolossaay 1:29

Jeenteti waha u la, miigti Kiriisto isiicho ka an weyti hol dowa. Miigtiis la weyti imiigoossa.

Ibiraaniya 4:11

Maantaka, tirriinsanni giꞌde, ꞌdee nasmetaas Waakh a nasno. A mehe eti tuummane ayti Waakh daagiwwaaye iꞌdi goorat yaafohi Issiraayel yeeleen u, ullaka nasmetaas ma naso.

2 Beetero 1:10

Maantaka ꞌdooꞌd Kiriistokaaw a atin hawwaasde, tirriinsada wihi saggi Waakh atin iwahe toro us atin isoobahsate tuso yeela. A mehe chaꞌatin iꞌda yeesseen jirtuu ma tarraantarrattaan.