Luuka 13:14 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁴ Jeenteti Yeesso makhaabassa Seeri Lanaso isamaachuu, eti minki weysiite Yaꞌhuud itoollo weyti hollowe. Ulla wihi us ꞌdooꞌd iyidah, “Ibeen lih enenyet hiliis haagsati a jirta. Eti khannan ꞌdeerka ibeenneta lihe goyaka a yimaate a lasamaacho, Seeri Lanaso mee.”

Luuka 13:14 ပူးပေါင်းရင်းမြစ်များ

Mattaayo 12:2

Farissaayo uus iche waha agarte ka, wihi iche Yeesso itidah, “Yey! Wihi abattitaah Seeri Lanaso ka yeesso ichoow amurre ma israahaan!”

Marko 5:22

ꞌDeerka etoo ꞌdooꞌdi minassi weysiite Yaꞌhuud itoollo kichokoowenye Yaayiro layadeeh intaas yimiy. Yeesso arge, luhlohiis kakufe,

Luuka 6:11

Iꞌdaasenyi sirgoweene, iꞌdi icho Yeesso yadeehiin isworsan sookhabteen.

Luuka 6:7

Farissaayo ichoow tagaammeti amurre wohoo icho Yeesso kacheektaane yowtaane, ꞌdeerka usu Yeesso Seeri Lanaso ka etaas samaacho mujjum fiiricheen.

Luuka 8:41

Chirraakka etoo Yaayiro layadeehe ilkerengeettaas ka minki weysiite Yaꞌhuud iween yimiyye, Yeesso luhlohiis kakufe hawwaaste, usuhi Yeesso goobiis yamiite ꞌdoonaa.

Hilassi Ergaano 13:15

Inkoo Chiirnaanneti Amurre ichoow ti ꞌDooꞌdi Waákh Íyeyyeedo lasoome ka, ꞌdooꞌdi minki weysiit itoollo icho waheene wihi icho iyidaaheen, “Yaafeey, chirri atin yeedoo enenyet uur miigoocho khabtaan, kaaleya cheeka.”

Hilassi Ergaano 18:17

Geeddi icho isoobahin, icho tuumman eti minki weysiite Yaꞌhuud itoollo Soosteena layadeeh khabteene, kootiin ortiis ka jaheen. Iꞌdaasenyi Gaalliyo wahaas ma ibaalin ba.

Hilassi Ergaano 18:8

Eti Kiriisbo layadeehe minki weysiite Yaꞌhuud itoollo la, usu ichoow minkiis ba Kamur a rummeesteen. ꞌDooꞌdoo ittaawenye ilkerengeetti Koriinto kajiro Baawulo daage la, Kiriisto rummeeste, labaattissiye.

Rooma 10:2

Ani rubeyteey saggi icho rumanka weyti Waakh ikafalin iꞌdoonaan a cheeka. Iꞌdaasenyi raahnaanki icho Waakh raahin ꞌdoonaan ka, jiti runti Waakh lakaabti ma raahaan.