Luuka 13:13 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹³ Ulla dahantiis makhaabassaas korche, iche la chirraas on fit tolossatte, Waakh koolisse.

Luuka 13:13 ပူးပေါင်းရင်းမြစ်များ

Mattaayo 9:8

Urur uus waha arge weyti roorro gesse, Waakkhi enenyet antohaas geeddee siiche koolicheen.

Marko 16:18

Toof laka dahan a kakhabta, toro chuꞌus hadaadohi uskul yabhuub laka ma gaameeraan iꞌdaaru laka. ꞌDooꞌdi khakkhannan dahano on korcha, ꞌdooꞌd samaata.”

Marko 5:23

hawwaaste, “Inanteeyti rucchul a omoot. A kihawwaasde, kaale dahan kaꞌdaare, ꞌdee a samaatti jiro a ꞌhesso,” iyidah.

Marko 6:5

ꞌDooꞌdoo rucchule khakkhannane us dahan korche samaache on menye, wihi weeli enenyet yeelin iubaaꞌdan intaakka yeelin ma ubaaꞌdan.

Marko 8:25

Toro et dahano indo korche. Kolaakka et indo furnameene, indo toro haagsateene, walah tuumman mujjum arge.

Luuka 13:12

Chirri Yeesso iche arge ka, iche enenyet ortiis iwahe toro wihi us iyidah, “Makhaabassa, sugeeraah a lakaabahche!”

Luuka 18:43

Et chirraas on indo ꞌhele, Yeesso raahe usuhi Waakh saaꞌdo. Chirri enenyet tuumman waha arge ka, icho laka Waakh saaꞌdeen.

Luuka 4:40

Chirra orrahe dihto, ꞌdooꞌdi khakkhannane sugeerreti yeerare khabo tuumman Yeesso liikeene. Yeesso la kooba dahano korche samaache.

Hilassi Ergaano 9:17

Anaaniya ꞌdeerka irte minki Saawulo kajiro gele. Anaaniya la dahano korche, “Saawulo, walaalaaw, Yeessohi Kamurenye jit ka atihi inta isoosohatti kisoobahe iche isooergate, ꞌdee il agarta toro Rubeyti Munyee kibuuhissa,” iyidah.