Luuka 12:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ Iꞌdaasenyi eti ꞌdooꞌd ortiis ka saggi us keey iyahe ꞌdiiꞌdo, herti Waakh ortiche ka a laꞌdiiꞌda.

Luuka 12:9 ပူးပေါင်းရင်းမြစ်များ

Mattaayo 10:33

Iꞌdaasenyi eti tuummane enenyet ortiis ka saggi us keey iyahe ꞌdiiꞌdo, an laka usu Aabbaheeyki goobi Waakh kijiro ortiis ka a ꞌdiiꞌda.

Mattaayo 25:12

“Iꞌdaasenyi wihi us ilaabe, ‘Rume atin icheeka, an ma atin gardi.’

Mattaayo 25:31

“Maanti Ínam Aadam herti Waakh khabaayi miigtiis leesoonokhti, kombortiisti antoote karnatoote koorronta.

Mattaayo 25:41

“ꞌDeerka wihi us ꞌdooꞌdi ankiiski gurro kijiro iyadeeh, ‘Nyaama ikataba, atinha falan, ꞌdabaas armaanjireene Waakh Seytaan ichoow herti Seytaan ba iyeele kachimmama.

Mattaayo 7:23

Anna ꞌdow ka mehe icheeka ya, ‘An injire ma atin garan. Atinha hugunꞌdarri kaassohattaan nyaama ikataba.’

Marko 8:38

Chirri etoo ꞌdooꞌda weyꞌdane waakkhassi addan wahti uskeel leh goyaka ani ikuuryaawo toro yeedeey kuuryaawo, Ínam Aadam laka maanti us miig Aabbahiis ichoow ti herti Waakhe munyee leesoonokhti, usu a kuuryaawa.”

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

Luuka 22:57

Iꞌdaasenyi leeꞌdiiꞌde wihi us iyidah, “Irta an usu ma gardi.”

Luuka 9:26

Chirri etoo ani ikuuryaawo toro yeedeey kuuryaawo, Ínam Aadam maanti us ababnaankiis ichoow ababnaan Aabbahiis ichoow ki herti Waakhe munyee leesoonokhti usu a kuuryaawa.

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.

1 Yoohana 2:23

Eti tuummane Weeli Waakh ꞌdiiꞌdo, Aabbaheen ma khabo. Eti saggi Yeesso Weeli Waakh iyahe cheeko tuumman la, Aabbaheen laka a khaba.

1 Yoohana 2:28

Maantaka nyaakhuteeyki an weyti ꞌdoono, taba Kiriisto goytiis fiddiya, ꞌdee maanti us soobaho ka, uus inno roorro khabine toro la uryaawin emeettiis ka.

Bakkaahit 3:8

Wihi atin haaggisaan tuumman a garda. Yeya ani ortiin ka afaf a atin ifure, etoo kalday laka ma hido. Saggi atin miigtoo rucchul on ikhabtaan a garda, iꞌdaasenyi atin yeedeey a raahteene, toro la magaheey ma ꞌdiiꞌdin.