Luuka 12:8 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸ “Wihi an atin iadeeh, eti tuummane ꞌdooꞌd ortiis ka saggi us keey iyahe cheeko, Ínam Aadam laka herti Waakh ortiche ka, saggi us kiis iyahe a cheeka.

Luuka 12:8 ပူးပေါင်းရင်းမြစ်များ

Mattaayo 8:20

Yeesso wihi us ilaabe, “ꞌDowwohoyyo lumame khabaane, chimbirohi saraat la minchimbiroote khabaan. Iꞌdaasenyi Ínam Aadam inti us matah gesso laka ma khabo.”

Luuka 15:10

Wihi an atin icheeko, saggaase herti Waakh ihamaadda chirri etoo kalday uskeeliis kasoonokhte.”

2 Timooti 2:12

Chiꞌinno garrahsanni, usu walah a leedakhanna. Chiꞌinno usu ꞌdiiꞌdne, ullaka a inno ꞌdiiꞌda.

1 Yoohana 2:23

Eti tuummane Weeli Waakh ꞌdiiꞌdo, Aabbaheen ma khabo. Eti saggi Yeesso Weeli Waakh iyahe cheeko tuumman la, Aabbaheen laka a khaba.

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.

Bakkaahit 2:13

Inti atin fiddiitaan a garda, a inti Seytaan kombortiisti antoot kakhabo. Iꞌdaasenyi atin uliba rum ka a ikhucchissaan. Maanti eteeyki lakakhuufo Antiiba layadeeh ilkerengeettiinti ween ka inti Seytaan fiddiyo lakayigis laka, atin saggi atin ikakhuuftaan ma ꞌdiiꞌdin. Usu rum ka garteey a laabe.