Luuka 12:4 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁴ “Aalassaay wihi an atin icheeko, ꞌdooꞌdi sar on yagiise wahaas ꞌdubicho ka wohoo addan iyeelin akaroorina.

Luuka 12:4 ပူးပေါင်းရင်းမြစ်များ

Mattaayo 10:28

ꞌDooꞌdi sar on yagiise iꞌdaasenyi rubey iꞌdoo iidaahan akaroorina. Waakkhi sar ichoow rubey ba baabiicho, meessi ꞌdabi armaanjireen kalugꞌdo karoora.

Yoohana 15:13

Wihi ꞌdooninti enenyet aalassiis weyti ꞌdoono tuso kallaayo, a ti us jirotiis jeentetichuu isoobahcho.

Hilassi Ergaano 20:24

Iꞌdaasenyi jiroteey walah iche ileetahe mele. Wihi ileekhumman, a anihi weyti hol dowo, hili Waakhe Yeessohi Kamure dahanoheey soogesse massicho. Hila la a Wori Haaggane an haaggi Waakhe buurenye inno imunneynan enenyet icheeko.

Hilassi Ergaano 4:13

Chirri icho Yoohana ichoow Beeterohi roorro laan yeyyeedo argeene toro saggi icho ꞌdooꞌdi walah garti iyahiin kaseen ka weyti girmeesteen. Saggi goorat icho Yeesso ileejireen kaseen.

Fiiliffi 1:28

Wahaas tuumman ka ꞌdooꞌdi atin tirrimo ma karoortaan. Waha a sumatti saggi Waakh icho ibaabiicho, iꞌdaasenyi atin iribo tusso. Ki waha tuumman yeelo a Waakh.

Yaakoobo 2:23

Chiirnaanneti Waakhe, “Aburaaham Waakhe rummeeste, Waakh la eti fissan iekkaache,” tadeeh a labuuhiche. Aburaaham la aali Waakhe lakawahe.

1 Beetero 3:14

Iꞌdaasenyi chirri jeenteti wihi fissane atin yeessaan on sina atin loomhicho, a atin liimaale. “Wihi icho karooraan akaroorina, anahina.”

Bakkaahit 2:10

Sinayyohi dowwanoha ka atin lasoomhicho akaroorina. Wihi an atin icheeko, Seytaan gaasiinkoo jeela kachiba a atin kajaa. Sinayyoha la ibeen tomon on atin yamhiin. Chiꞌ omoot atin liigooche laka, ani on ikakhuufa ani la ꞌduubi jiroti jirtuu imassan a atin siichaa.