Luuka 12:18 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹⁸ “ꞌDeerka wihi us yidah, ‘Iꞌdane yeela. Koondinyetaaya jejjebcha ꞌdee ti burbuure disa. Intaas gololeey tuumman ichoow meeheey ba kachiba.

Luuka 12:18 ပူးပေါင်းရင်းမြစ်များ

Mattaayo 6:26

Chimbirohi saraat kamalda bal. Ilmo icho gos kachibaan mele, gurnaan bissaate icho meel gessataan la mele. Iꞌdaasenyi Aabbahiinki serey jiro on goollicha! Atin icho weyti kussantahiin gon.

Luuka 12:17

Eta gos leh masse wihi us uuriis goyaka yidah, ‘Mehe yeelo? Inti an gurnaankeey kachibo ma khabo.’

Luuka 12:19

Ani la wihi an isiadeeh, “Wihi buurenye toro haaggane at guꞌhassi buure meel isigelisse a khabta. Sina at khabto mele, samacchaar on golosso, hamaad.” ’

Luuka 12:21

“Waha a wihi eti tuummane wihi harrata ka kamurenye, iꞌdaasenyi wihi Waakh ꞌdoono ka miskiine iyateeh.”

Luuka 12:24

Bal khaalkhe yeya, ilmo icho gos kichibaan mele, koondi icho khabaane icho golol kachibaan la mele. Iꞌdaasenyi Waakh on goollicha. Atin la geeddoo meheenye weyti chimbiro kussantahiin.

Luuka 18:4

“Geeddoo dakkhan leeꞌdiiꞌde. Iꞌdaasenyi saahka wihi us uuriis goyaka yidah, ‘Chirri an Waakh ikaroorine an weeli enenyet ikabaalin laka,

Luuka 18:6

Kamur toro wihi us yidah, “Bal etaas khollokkhane ꞌdooꞌd hukkumo wohoo kaabda.

Yaakoobo 3:15

Kharati iꞌdee goobi Waakh ma katamiite iꞌdaasenyi a ti harratane, ti wahanyeyyohi Waakh menye, a ti Seytaan.

Yaakoobo 4:13

Alleya bal atinhi, “Maalinka ommos saahta ilkerengeetta ommos ilkerengeettuus a iranna, guꞌhoo fiddiina, bacchaaranna, chilimmeteenyo dessa,” elattaan!

Yaakoobo 4:15

Wihi deefo a atinhi, “Chiꞌ Waakh ꞌdoono a jirra, waha ichoow wahaas yeella,” tadeehiin.