Luuka 12:1 - Wori Haaggane Yeesso Kiriisto Miinsan Ayyinti Husube Waakh Enenyet Igooche

¹ Geeddaka urur buuraate, aliffe laka kute ichoowka ꞌdooꞌd iskharꞌdabte. Yeesso koloo abattitiis leeyeede wihi us iyidah, “Yeedad Farissaayo ki iꞌdi booddati makaate fuurissee yuubsada. Wihi icho essaan tuumman ka a iskaayyeelaane suujoon taaꞌhichaan.

Luuka 12:1 ပူးပေါင်းရင်းမြစ်များ

Luuka 11:44

“Sinati atin sugto eenna a buure. A mehe atin a iꞌdi hawwaalohi dagah ikhabine, enenyet igaranne sarchooda on yabti.”

Luuka 12:56

Iskaayyeessooy! Atin harra a yeytaane, serey yeytaane walah kaabattaan. A iꞌdoh wihi an yeelo iagartaane, toro wohoo rucchul laka ikaabanna?”

Luuka 5:1

Yeesso maantoo beyti Gennaasarete toolla, enenyet la usu kuurure Yeedi Waakhe dagansataa.

Luuka 5:15

Iꞌdaasenyi wori Yeesso miinsan weyti ilaas tuumman kataaꞌhe, ꞌdeerka ꞌdooꞌdi buure yimiyye wihi us ꞌdooꞌd abcho dagansate, ꞌdooꞌdi khakkhannan laka yimiyye lasamaache.

Luuka 6:17

Ulla ergaanotiis khabaayi bur kasookhubte ꞌdowhoo tolossate. Ururi buurenye abattitiise ichoow ꞌdooꞌdi ittaawenye boroofenhi Yaꞌhuudiya ichoow ilkerengeetti weene Yeerusaleem ichoow ilkerengeetohi rurrucchule beyti buure afiche yaalle iꞌdi maanta Tiiro ichoow Siidon illehe laka, intaas a kijire.

Hilassi Ergaano 21:20

Inkoo icho waha daageen ka, Waakh saaꞌdeen. ꞌDeerka wihi icho Baawulo iyidaaheen, “Baawulohaanyaaw, yaafteenti Yaꞌhuude Yeesso rummeysatte saggi iche aliffe igoosso yey. Icho tuumman la weyti amurre Muusa isibahcheen.

1 Koriinto 15:3

Iꞌdi tahe an wihi weyti khummane an ꞌhele iche atin isookucche. Kiriisto jeenteti uskeeleenna iyumuy saggi Chiirnaanneti Waakh liikachiiruu.

Ibiraaniya 12:22

Iꞌdaasenyi atin Hali Saayone isoodowwaatteen. Waha la a ilkerengeetti weene Yeerusaleeme goobi Waakh kijirto, a ilkerengeetti Waakkhi jiro. Waha la a inti herti Waakhe eluffe goosso, hamaad ka kulante.

Yaakoobo 3:17

Iꞌdaasenyi kharati Waakh katamiit a miꞌdabe, nebeye ꞌdoonta, a samacchaare, nabahe sudda, uure nugussahe, gurnaanki haaggane dessa, enenyet seley ma sassaahto toro la ma iskaayyeesso.

1 Beetero 2:1

Maantaka, suujoon tuumman ichoow ekkeysi tuumman ichoow iskaayyeelnaan ichoow kalꞌdarri ichoow ham tuumman kasootaba.