Luuka 11:51 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁵¹ Uus ogoos Aabel kasookhabatti ichoowka ogoos Sakkariiyahi chalagti hoola lakasoorriyoocho ichoow minki Waakhe buure dahcho lakayigis eleessa. ꞌDooꞌdi iꞌdee la wahaas tuummane lakahukkuma.

Luuka 11:51 ပူးပေါင်းရင်းမြစ်များ

Mattaayo 23:35

Jeentetaas u la, diiggi ꞌdooꞌdi fiffissane harra kakhubte tuumman berri atine atin fuula, uus diig Aabelhi fissan lakasookhabti ichoowka ínam Barachiiyahi magahiis Sakkariiya layadeeh. Ulla minki Waakhe buure ichoow chalagti hoola lakasoorriyoocho dahchooda dubunuunu kayigaaseen. Atin laka uskeelaas a leegesseen gon.

Ibiraaniya 11:4

Aabel kakhuufnaanki us Waakh kakhuufe on ka, iche soorriyoti too Kaayin kussan Waakh ibahche. Jeenteti kakhuufnaankaas u, Waakh saggi usu eti fissan iyahe cheeke, soorriyotiis la kahamaade. Aabel Waakh a kakhuufe gone, chuꞌus toolla ijirin laka, usu a iꞌdoo us uliba inno leeyyeedo on.

Ibiraaniya 12:24

Toro la Yeessohi dahgeleenye ayyinti husube Waakh gooche keene, iche isoodowwaatteen. Diiggiis a liirdifte, ꞌdee Waakh enenyet uskeel ikakuta. Diigga iꞌdi diig Aabelki eti aal guto yowti mee.

1 Yoohana 3:12

Iꞌdi Kaayinhi koo Seytaanki uskeel lehe walaaliis dubunuunu yigis iitaahana. Kamalda bal, us a iꞌdoh walaaliis dubunuunu iyigis? A jeenteti jiro Kaayin suuj itahe, too walaaliis la ifissantahe.