Luuka 11:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Issaah iꞌdi taa u sartaah banaye ikeenta. Chirri indohaah haagganyahiin, sartaah tuumman laka banaye buuha. Iꞌdaasenyi chirri indohaah suujyahiin, sartaah tuumman a mugꞌdi.

Luuka 11:34 ပူးပေါင်းရင်းမြစ်များ

Marko 4:12

ꞌdeerka, “ ‘Walah a yeyaane, yeyaane, iꞌdaasenyi jirtuu ma gelaan. Toro la a dagansataane, dagansataane, iꞌdaasenyi jirtuu ma abtaan. Chiꞌiche iꞌdaas ieheynan, uskeelicho a kasoonokhanne, Waakh la uskeelicho ikakuta.’”

Marko 7:22

Wihi addan a mejeli makhaabassi tiis ieheynan leeurꞌdo, ꞌdamaam, uskeeli layeelo, ekkeysi, sohoꞌddarri, kalꞌdarri, ham, rannyaat ichoow ꞌdalammoon.

Marko 8:18

Indo a khabtaane, iꞌdaasenyi walah atin agartaan mele! Nabho la a khabtaane, iꞌdaasenyi walah atin daagtaan mele! Toro ma kasooꞌhessaan a?

Luuka 11:35

Tab giꞌde banayhi at khabto uus icho mugꞌdi itaahan.

Hilassi Ergaano 13:11

Toolla la dahanti Kamur a kiguꞌdubta, indo waayta, geeddoo banayhi orraheet argiwwaayta.” Chirraas on ꞌduubat ichoow mugꞌdi ba usu indo ankubeene, dahano ka il ꞌdaꞌddaarre eti angaamicho yowte.

Hilassi Ergaano 2:46

Orrahti sookorto tuumman, uranti minki Waakhe buurenye isikayamiitiine Waakh wahtaan. Toro goobassicho ka, uuri haaggan ka isleegolossataane, hamaadaane,

Hilassi Ergaano 26:18

Icho kiergada ꞌdee walah abissa indo furnamaane, mugꞌdi kasoolaabta banayhi Waakh goya keenta, miigti Seytaan kasoolaabta Waakh iurgiyissa. Iꞌda ka uskeelicho a liikakuta, toro icho laka kakhuufnaanki icho ikakhuufaan ka ꞌdooꞌdi Waakh soobahsate goyaka meessi icho muꞌdane ꞌhelaan.’ ”

2 Koriinto 1:12

Maantaka wihi nah keeylajno a waha, wihi rubeyoheenyoki haag ichoow suujoon seley saaho rumanka cheekaan, a saggi nah munyati Waakh ka jiroti fissan harrata ka ijirre, kach ka la a saggi nah ortiin ka ijirre. Waha la kharati weeli enenyete harrata ka menye, haaggi Waakhe buure on kayeelle.

2 Koriinto 11:3

Iꞌdaasenyi wihi an karooro a mehe ya, saggi goorat toof kharatiis ka Haawwo iekkeestuu a geeddi maliin labaabulo ꞌdee raahnaanki el ikhabine atin tuum Kiriisto raahtaan ka jit atin labuucho.

2 Koriinto 4:4

Seytaanki waakkhi harratee malassi ꞌdooꞌdi Kiriisto irummeysan a hide, ꞌdee banayhi Wori Haaggan ma argaan. Banayha la a Wori Haaggane Kiriistohi weynaan leh.

Efeesso 1:17

An a inonnokhda Aabbaheenki weynaan tuumman tiis tahe, Yeesso Kiriistohi Kamureene Waakkhiise daaha, ꞌdee Rubeyti Munyeenye atin kharaasso, eti Waakh yahe atin isoobabbakkaahisso a atin siicho, ꞌdee Waakh mujjum abattaan.

Efeesso 6:5

Bowꞌdayyo, taba kamurretiinti harrata walah tuumman ka yeedicho raaha. Inkaanyit ka ichoow roorro ka wihi icho ꞌdoonaan tuumman yeela, uuri haaggan ka la yeela. Saggi atin Kiriisto ikihissaan on icho laka ihila.

Kolossaay 3:22

Ilbooyye, taba wihi kamurretiinti harrata atin idowto tuumman raaha. Jeenteti atin Kamur ikaroortaan u, chirri icho atin ꞌdeyꞌdoochaan kaldach on menye, kol tuumman uuri haaggan ka icho kahamaadicha.