Luuka 11:26 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁶ Ginnataas ꞌdeerka a iratta, ginna teeba addane iche laka kasuuje sookhaatta etaas goya gelaane, fur yeessaan. Etaas la jirotiis, ti goorat oraat a kaꞌdarsatta.”

Luuka 11:26 ပူးပေါင်းရင်းမြစ်များ

Mattaayo 12:45

Ginnataas ꞌdeerka iratta, ginna teeba addane iche laka kasuuje sookhaatatta etaas goya gelaane, fur yeessaan. Etaas la jirotiis, ti goorat oraat a kaꞌdarsatta. ꞌDooꞌda iꞌdeenye uskeel leh iꞌda on itateeh.”

Mattaayo 23:15

“Atinhi tagaammeti amurree ichoow Farissaayo ba, iskaayyeessooy, sinati atin sugto eenna a buure! Atin harra tuumman ichoow beyohi burbuurenye tabtaane, ꞌdee etoo kalday wihi ꞌdooꞌdi Yaꞌhuud wahti iurgiyissaane, chuꞌus atin sooraahe ka, weyti ꞌdirihiin baabiissaan. Saggi atin meessi ꞌdabi armaanjireen iirattaan u, etaas laka ꞌdirihiinna baabiissaane meessi ꞌdabi armaanjireen irta.

Luuka 11:25

Maanti iche tamiit furi harane lamujjummooche ꞌhessa.

Luuka 11:27

Yeesso yeyyeedaayi, makhaabassoo urur goyaka sooyeedde wihi iche Yeesso itidah, “Waakh rumanka abarti kidesse toro kinuugsatte a imaale!”

Yoohana 5:14

Yeesso saahka etaas minki Waakhe buure ka ꞌhele, wihi us iyidah, “At kola a samaatte. Uus ꞌdee wohoo addane suuje kisoobahine, tabe uskeel kanokho.”

1 Yoohana 5:16

Chirri etoo etiiski Kiriisto rummeeste uskeeloo omoot ikawoyin yeelo argo, etaas Waakh a iwaho, Waakh jiro a siicho. ꞌDooꞌdi uskeelicho omoot ikawoyine kaayyeeda. Uskeeli enenyet omoot iwoyo a jira. ꞌDooꞌdi uskeeli iꞌdee yeelo mee Waakh iwaha atin idowo.