Luuka 10:9 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁹ ꞌDooꞌdi khakkhannane ilkerengeettaas kajiro samaacha, wihi atin itadeehiin, ‘Dakhi Waakh kola a atin isoodowwaate.’

Luuka 10:9 ပူးပေါင်းရင်းမြစ်များ

Mattaayo 3:2

Wihi us yidah, “Uskeeliin kasoonokhda, iꞌdi tahe dakhi goobi Waakh a soodowwaatee.”

Mattaayo 4:17

Uus maantaas Yeesso Yeedi Waakh ꞌdooꞌd icheeke, wihi us iyidah, “Uskeeliin kasoonokhda, a mehe dakhi goobi Waakh a soodowwaatee.”

Marko 4:30

Toro mehe iyidah ya, “Kamalda bal, dakhi Waakh a koo meheenye nadeeh? Toro la mammahtoh iꞌdi uꞌ yahe dowdowta?

Marko 6:13

Ginnayyohi ittaawe enenyet goya kabihisse, ꞌdooꞌdi ittaawenye khakkhannan laka subakki geeyi oolif ka matah subahte, samaasse.

Luuka 10:10

Iꞌdaasenyi chirra atin ilkerengeettoo gesseene atin liimartiisan, jitassi ilkerengeeteet ibaha, wihi atin tadeehiin,

Luuka 10:11

‘Ebeeri ilkerengeettiinna luhlo nah kaangago laka atin on atin isahna, waha la saggi Waakh sina atin ituso iche tusaan. Iꞌdaasenyi waha abda, dakhi Waakh a soodowwaate.’

Luuka 9:2

Ulla ergaano ili kharaat ierge, ꞌdee wori dakhi Waakh miinsan cheekta, ꞌdooꞌdi khakkhannan laka samaassa.

Yoohana 3:3

Yeesso la wihi us ilaabe, “Rume kisoocheeka, et dakhi Waakh argo mele sammata koli lammaatteet liidelin.”

Yoohana 3:5

Yeesso wihi us ilaabe, “Rume atin icheeka, et dakhi Waakh gelo mele, sammata bicche ichoow Rubeyti Munyee ka liidelin.

Hilassi Ergaano 28:28

“Maantaka waha abda, ribnaanki Waakh ꞌdooꞌd ribo, yaafohi Yaꞌhuud ieheynane liierge, icho la daagaan!”

Hilassi Ergaano 28:31

Baawulo intaas ka roorro laan wori dakhi Waakh miinsan cheeke, toro wori Yeesso Kiriistohi Kamure miinsan ꞌdooꞌd abche, et jeyche la mele.