Luuka 10:34 - Wori Haaggane Yeesso Kiriisto Miinsan Ayyinti Husube Waakh Enenyet Igooche

³⁴ Et idowwaate, subakki geeyi oolif ichoow farsoti sabiib kadeye, toro jiissiis darfo kayuube, et eheliis korche, looj geeche, intaas ka gargaare.

Luuka 10:34 ပူးပေါင်းရင်းမြစ်များ

Marko 14:8

Makhaabassa wihi iche tabuuꞌd tuummane yeesse. Sarteey miricchi ka subahte, orey on geeddi liihawwaalin tannabisse.

Luuka 10:33

Iꞌdaasenyi etoo ili Saamariyeenye yeelan sulhaal kijiraayi, inti et kijiro yimiy. Chuꞌus eti lajahe arge ka, uur isoonugleeste.

Luuka 10:35

Ibeenki kaas sooraaho ka chilimmeti eti orrah lamma hil haaggiche laguto soobahche, eti looj iween idiibe toro wihi us iyidah, ‘Eta mujjum yaakhiche, maanti an soonokhde wihi us kagolossate ichoow wihiiski addan tuumman ani a kisooguto.’

Luuka 2:7

Maariya la huuratiche ka inankoo desse, darfo kaayyuubte, ꞌdari haanki hoolaat lakachibo goya kareeyisse. Iꞌdi tahe looj ka meel a waayeen.

Rooma 12:20

Atinhi iꞌdaas yeessaan ka atinhi iꞌda yeessaane deefta, “Chirri chiiytankaah raarah khabo, golol sii. Chirri us sugub khabo, sugub bihi. Iꞌda ka jilahti lakhaanyo matahenyeticho kichibta.”

1 'Dessaloonika 5:15

Taba uus etoo kalday laka eti suujoon iyeele suujoon tusan. Iꞌdaasenyi kol tuumman hol dowa, wihi haaggan isiyeela ꞌdooꞌdi addan laka haag iyeela.