Luuka 10:27 - Wori Haaggane Yeesso Kiriisto Miinsan Ayyinti Husube Waakh Enenyet Igooche

²⁷ Wihi us ilaabe, “ ‘Kamuri Waakkhaahe uuraah tuumman ka ichoow rubeytaah tuumman ka ichoow miigtaah tuumman ka ichoow malaah tuumman ka ꞌdoon.’ Ichoow, ‘Ollokkaah geeddi at isꞌdoonto ꞌdoon.’  ”

Luuka 10:27 ပူးပေါင်းရင်းမြစ်များ

Rooma 13:9

A mehe amurreta, “Makhaabali kaah ieheynan ommos makhaabassi taah ieheynan aleeurꞌdin, ogoos dubunuunu agelin, walah ahatin, walah amaanjeeran,” tadeeh tuumman ichoow chiꞌ too addan jirto, amuroo kaldach on kakulanta. Amura la mehe yadeeh ya, “Ollokkaah geeddi at isꞌdoonto ꞌdoon.”

Yaakoobo 2:8

Chirri atin rumanka amuri weyti khummane Yeessohi karnateene inno siiche, Chiirnaanneti Waakh goya kachiirane, “Ollokkaah geeddi at isꞌdoonto ꞌdoon,” yadeeh raahtaan, haage yeessaan.

1 Yoohana 3:18

Nyaakhuteeyki an weyti ꞌdoono, uus inno yeed ommos af on ka ꞌdooꞌdi addan ꞌdoonine, wihi inno yeello ichoow wihi rummaat ka ꞌdoonno.

Ibiraaniya 8:10

Inkoo ibeennetaas kutte ayyinteeyti husube an ꞌdooꞌdi Issiraayel igoocho talla, iche Kamur essa. Amurreteey malichooda goya gessa, ꞌdee kamassaan, uurassicho goya kachiira, ꞌdee raahaan. An Waakkhichooda ateehe, icho la ꞌdooꞌdaaya yateehiin.

Galaatiya 5:13

ꞌDooꞌd Kiriistokaaw, Waakh furnaanki us atin soofuro iche atin iwahe gone, atin bowꞌdayyohi amurre mee. Iꞌdaasenyi furnaankaas akagirꞌdaamina, wihi uurassiin goya kijiro uskeel imoono araahina, taba ꞌdooninti atin isikhabtaan ka isifala.

Mattaayo 19:19

aabbahaah ichoow abartaah inkaanyit, ollokkaah geeddi at isꞌdoonto ꞌdoon.’ ”

Luuka 10:26

Yeesso wihi us ilaabe, “Amurre Muusa mehe kachiiran? At saggoh yeedaas ikhaatta?”