Luuka 1:80 - Wori Haaggane Yeesso Kiriisto Miinsan Ayyinti Husube Waakh Enenyet Igooche

⁸⁰ Yoohana la weynaate, Rubeyti Munyee ka miigowe. Ulla hidaad on fiddiye ichoowka ibeenki us ꞌdooꞌdi Issiraayel isoobaho yitah.

Luuka 1:80 ပူးပေါင်းရင်းမြစ်များ

Mattaayo 11:7

Chirra abatti Yoohana nokhatti ka, Yeesso Yoohana woriis urur kaleeyyeede wihi us yidah, “Bal wihi atin hidaad ka iratteene sooagarteen kamalda. Etoo ꞌdabakhenye iꞌdi hoosi hafar sesseehicho mee iratteene agarteen.

Mattaayo 3:1

Inkoo guꞌhassoo kuteen ka, Yoohanahi Enenyet Baattissiyo yimiyye, hidaaddi boroofenhi Yaꞌhuudiya ka Yeedi Waakh cheeke.

Luuka 1:15

Iꞌdi tahe us Waakh ortiis ka eti weene yateeh. Ulla uus farsotoo rucchule sabiib laka af kaꞌdaarin. Uꞌ dessi la Rubeyti Munyee usu a buuhissa.

Luuka 2:40

Yeesso la weynaate toro miigowe, weyti kharaawe, haaggi Waakhe buure la usu a leejire.

Luuka 2:52

Yeesso la weynaate toro weyti kharaawe, Waakh ichoow weeli enenyet ba jilhaateen.

Yoohana 1:31

Ani rubeyteey eti us yahe ma garan. Iꞌdaasenyi wihi ikeene an bicche ꞌdooꞌd kabaattissiyo, a jitoo ꞌdee usu ꞌdooꞌdi Issiraayel liikababbakkaahicho.”

Hilassi Ergaano 18:28

A mehe us chirri us ꞌdooꞌdi Yaꞌhuud enenyet tuumman ortiis ka leehawwoocho, af ka a kahataate, Chiirnaanneti Waakh ka, saggi Yeesso rumanka Ki Lasubhe iyahe tuse.